قصيدة ,,,, رفاقتي

[غنام التميمي]

السلام عليكم ورحمة الله وبركاته ,,,,,,,,,,,,,,
هذه قصيدة من نظمي اتمنى ان تعجبكم




رفاقتي لولا الخطا ماتكدرت=وبأسبابكم كل الهواجيس جني


يا أغلى الملا عندي ترا ماتصورت=لاضقت تنسوني وتقفون عني


أسأل وأجاوب والصراحة تحيرت =معقول فيكم يمكن يخيب ظني


ان كنت أنا في حقكم يوم قصرت =ما أردهن طعناتكم لو نصني


أو حزة الشده عليكم تنكرت =عسى المصايب كل أبوهن يجني


موتي ولا الفرقى ترى لو تخيرت =وياليت لكن .. ما يفيد التمني


مجروح لكن .. بالوناسه تظاهرت =أشيل هم الغير وأدنيه مني


وان أخطوا العالم عليه تعذرت =الطيب نبراسي .. والأخلاق فني


نفسي عزيزة بس .. أنا ماتكبرت =ومصايب الأيام .. ما غيرني


على دروب الدين والمرجله سرت =وملاهي الشيطان ما هيضني

[أحمد]

على دروب الدين والمرجله سرت
وملاهي الشيطان ما هيضني



قصيدة جميلة الله يعطيك العافية.........

[أبو تركي]

مشكور اخوي غنام على الإبداع المتواصل.

[ابوماجد]

صح لسانك ياغنام

[سيف الخوالد]

مشكور شاعر منتدانا عنام التميمي

قصائد رائعه

والاكيد انك انت اروع لاني لم اصل لدرجه انتقاد قصائد شاعر ولاكن نعبر عن مدى تقبلنا لها حسب عرفنا المحدود

تحياتي

[شـــــديد]

مشكور اخي غنام وصح لسانك على هذه القصيده الجميله