إبراهيم المهنا
07-30-2008, 02:13 PM
الضحكة اللي ننتزعها من الضيق=ماني مجاهدها ولا منتزعها
لا صرت الَفّقْها على شفاي تلفيق = ياعلنّي مبطي وانا مبتلعها
ان كانها ما جت من اقصا المعاليق=وش عاد لوني جبتها مصطنعها
البارحة بين الرماح المزاريق=وانا جداي لدمعتي وادّرعها
افيق بعض احيان واحيان ما افيق = لا وعذاب اللي عزومه ركعها
الرَّجْل لا صَكّت عليه المغاليق= من دون روحه دمعتين(ن) دمعها
لا صار مع حظ(ن) رديّْ قلْ توفيق= صوّت على روحك وحرّج وبعها
وطويق لايشره على متني طويق=أعلّمه عن سالفةْ ما سمعها
أمّا عذرني بين صدق التواثيق = والا يطيح وهامتي يقتلعها
يا طويق بذّتْنا حقوق المخاليق=هذا يهددني والاخر قطعها
حقوقهم ياطويق ماهي تلافيق=يبلش بها من هو لمتنه رفعها
ما اخذتها واللي بيْديه المشاريق = لا من هوى نفسي ولا من طمعها
أخذتها لعيون بنت المطاليق = وعيون من صفوا مباسيم معها
نويت اوطنّها كبار الشواهيق=واظلّها عن حزنها مع فزعها
بغيتها تفريق وازرت بتفريق= تفريقها عوّد عليّ وجمعها
اللي بلش فيها على فكّة الريق= تمسي وهي من كبرها ما جرعها
اقولها وانا من الحمْل ما اطيق= ما طاعتك دنياك , دنّق وطعها
لا صرت الَفّقْها على شفاي تلفيق = ياعلنّي مبطي وانا مبتلعها
ان كانها ما جت من اقصا المعاليق=وش عاد لوني جبتها مصطنعها
البارحة بين الرماح المزاريق=وانا جداي لدمعتي وادّرعها
افيق بعض احيان واحيان ما افيق = لا وعذاب اللي عزومه ركعها
الرَّجْل لا صَكّت عليه المغاليق= من دون روحه دمعتين(ن) دمعها
لا صار مع حظ(ن) رديّْ قلْ توفيق= صوّت على روحك وحرّج وبعها
وطويق لايشره على متني طويق=أعلّمه عن سالفةْ ما سمعها
أمّا عذرني بين صدق التواثيق = والا يطيح وهامتي يقتلعها
يا طويق بذّتْنا حقوق المخاليق=هذا يهددني والاخر قطعها
حقوقهم ياطويق ماهي تلافيق=يبلش بها من هو لمتنه رفعها
ما اخذتها واللي بيْديه المشاريق = لا من هوى نفسي ولا من طمعها
أخذتها لعيون بنت المطاليق = وعيون من صفوا مباسيم معها
نويت اوطنّها كبار الشواهيق=واظلّها عن حزنها مع فزعها
بغيتها تفريق وازرت بتفريق= تفريقها عوّد عليّ وجمعها
اللي بلش فيها على فكّة الريق= تمسي وهي من كبرها ما جرعها
اقولها وانا من الحمْل ما اطيق= ما طاعتك دنياك , دنّق وطعها