إبراهيم المهنا
06-16-2008, 11:36 PM
أسند اليّ الشاعر الكبير / بدر الدخيل هذه القصيدة :
.
..
الشمري دار دولابه= من غبَّه وطاح في غبَّه
اليا اسْدَل الليل جلبابه=قامت هجوسه تـَلاعبَّه
عزّاه والعين صبّابه=تغرف من الدمع وتكبَّه
باسباب من يكحل اهدابه=واليا مشى حَبَّه بحَبَّه
خوف الحِجَلْ يَجْرَح اكعابه=والردف كهرب وكهربَّه
حمر الثمر ضاقت ثيابه=يا ليتني في وَسَطْ عبَّه
اتلايمه وَاتلوّى به=وامْرِح على الصدر واللبَّه
ومبيسم(ن) خالط رْضَابه=يَحْقن به الخمر ويصبَّه
لاوا هني من تمحلابه=ياخذ مع الريق له حُبَّه
ريح الشمطري ويغذابه=شِقـْر(ن) من اللون مشربّه
وجدي على ريحة ترابه=وجد اللذي ما لقوا طبَّه
يالخالدي حيّ ها اللابه=خابركْ محزم ويكربَّه
ضاقت يابو ضاري رحابه=اليا اشـْمَل الحظ غربَّه
راع الهوى ذابت اعصابه=والنار بالجوف مشتبَّه
ما صابني بالهوى صابه=من وين ما جاه يضربَّه
يا من يوقــّف على بابه=ويطوّح الصوت وينبَّه
يسأل عن الصدْ واسبابه=يستحلفه ربي وربَّه
هو ليه من قفـّت ركابه !!=ما عاد ينشد / وش السبَّه؟
السيف لا فارق جرابه=يَتـْلى على الراس ويجبَّه
اما تجيبونه نهابه=والا قسم لا اتحسبَّه
..
..
.
وهذا ردي عليه أتمنى أن يكون وافيا :
.
.
.
الخالدي زرّف كتابه = من دمّ قلبه ويكتبّه
علمن لفاني ومضرابه = بالقلب كنّه بمرزبّه
عقبه كما بالحشا دابه=حرام والزاد ما طبّه
ما نيب من يخذل اصحابه= اليا اعتزوا به على هَبَّه
دنّوا لي الّكزس اشنابه=على الكفر تنثني حبّه
جديد ما حد(ن) تمشّى به= عين المها لمعة اصطبّه
مخصوص للرمل واهضابه=تعب الياباني على ربّه
من الحسا فزّع اذْيابه = ولا تاقف الا على جبّه
للدم قوم(ن) وشرابه = وللضلع ذيب(ن) ويقنبّه
والحق تدنيه طلابه=بالسِّلْم والاّ على اجْلَبّه
نفزّ رجلي وركّابه = للضيغمي بدر يالبّه
شيخ(ن) على العز وانسابه= سمن العرابي و نَسَّبَّه
به عيب عن جملة اترابه= لو تطلبه روحه يذبّه
جاهيّة القوم لحسابه=تطوي على الخِبّة الخِبّة
تنصاك يامزيّن اخضابه = زاد الحلا فيك واتكبّه
الضيغمي يطْلَبك جابه=يا كيف قصّرت في حُبََّه؟
وش موجب الصدّ واغيابه=محسن وعوّدت تذنبّه
القوم تنخاك واصخابه=عزّ القِشْر لا حظن لبّه
ربعك على السَلَمْ وجّابه =لا تدور لربعك السَّبَّه
وان كان للقوم ما تابه=شبّابة الحرب ونقبَّه ..!!
.
..
الشمري دار دولابه= من غبَّه وطاح في غبَّه
اليا اسْدَل الليل جلبابه=قامت هجوسه تـَلاعبَّه
عزّاه والعين صبّابه=تغرف من الدمع وتكبَّه
باسباب من يكحل اهدابه=واليا مشى حَبَّه بحَبَّه
خوف الحِجَلْ يَجْرَح اكعابه=والردف كهرب وكهربَّه
حمر الثمر ضاقت ثيابه=يا ليتني في وَسَطْ عبَّه
اتلايمه وَاتلوّى به=وامْرِح على الصدر واللبَّه
ومبيسم(ن) خالط رْضَابه=يَحْقن به الخمر ويصبَّه
لاوا هني من تمحلابه=ياخذ مع الريق له حُبَّه
ريح الشمطري ويغذابه=شِقـْر(ن) من اللون مشربّه
وجدي على ريحة ترابه=وجد اللذي ما لقوا طبَّه
يالخالدي حيّ ها اللابه=خابركْ محزم ويكربَّه
ضاقت يابو ضاري رحابه=اليا اشـْمَل الحظ غربَّه
راع الهوى ذابت اعصابه=والنار بالجوف مشتبَّه
ما صابني بالهوى صابه=من وين ما جاه يضربَّه
يا من يوقــّف على بابه=ويطوّح الصوت وينبَّه
يسأل عن الصدْ واسبابه=يستحلفه ربي وربَّه
هو ليه من قفـّت ركابه !!=ما عاد ينشد / وش السبَّه؟
السيف لا فارق جرابه=يَتـْلى على الراس ويجبَّه
اما تجيبونه نهابه=والا قسم لا اتحسبَّه
..
..
.
وهذا ردي عليه أتمنى أن يكون وافيا :
.
.
.
الخالدي زرّف كتابه = من دمّ قلبه ويكتبّه
علمن لفاني ومضرابه = بالقلب كنّه بمرزبّه
عقبه كما بالحشا دابه=حرام والزاد ما طبّه
ما نيب من يخذل اصحابه= اليا اعتزوا به على هَبَّه
دنّوا لي الّكزس اشنابه=على الكفر تنثني حبّه
جديد ما حد(ن) تمشّى به= عين المها لمعة اصطبّه
مخصوص للرمل واهضابه=تعب الياباني على ربّه
من الحسا فزّع اذْيابه = ولا تاقف الا على جبّه
للدم قوم(ن) وشرابه = وللضلع ذيب(ن) ويقنبّه
والحق تدنيه طلابه=بالسِّلْم والاّ على اجْلَبّه
نفزّ رجلي وركّابه = للضيغمي بدر يالبّه
شيخ(ن) على العز وانسابه= سمن العرابي و نَسَّبَّه
به عيب عن جملة اترابه= لو تطلبه روحه يذبّه
جاهيّة القوم لحسابه=تطوي على الخِبّة الخِبّة
تنصاك يامزيّن اخضابه = زاد الحلا فيك واتكبّه
الضيغمي يطْلَبك جابه=يا كيف قصّرت في حُبََّه؟
وش موجب الصدّ واغيابه=محسن وعوّدت تذنبّه
القوم تنخاك واصخابه=عزّ القِشْر لا حظن لبّه
ربعك على السَلَمْ وجّابه =لا تدور لربعك السَّبَّه
وان كان للقوم ما تابه=شبّابة الحرب ونقبَّه ..!!