بسم الولي نبدا بنظم القصيدي وينك يا بوضاري ويا بدر شوفو الوضع

[سيف الخوالد]

بسم الولي نبدا بنظم القصيدي =ولاهو اكيد انه على الوزن تافي
ان جت على الوزنه ترى اليوم عيدي =ون ما حصل تشجيع باقول كافي
من غير ابو ضاري...........عضيدي =ولا يهون بدر مهندس ن كل خافي

[ابو ثامر]

بداية جيدة وطريق الف ميل يبدا فى خطوة

[إبراهيم المهنا]

أبو علي ......

والله بداية ساحرة ...ومشجعة ......

الأبيات لايوجد بها خلل أبدا سوى الشطر الأخير فسوف نجري عليه أصلاح بسيط ليصبح
من غير ابو ضاري عوين وعضيدي= وما يهون بدر مهندسن كل خافي


والله جميل يابو علي ......وهذا يؤكد فائدة هذا القسم....

اسمح لي أقولك صح لسانك مليون وبانتظار الجديد

[سيف الخوالد]

الله يطول عمرك يا بو ضاري والصراحه عنده خمسة بنقاليه ورا ظهري وانا ودي اكمل وبلشت وعجزت عن الكلمه اللي محل النقط ادري فيه شي مهم للوزن بهالمحل بس ما قدرت من قرقهم قلت خل الشباب يشوفون له حل وعاد ابرد واكمل وانا عندي وحده غزليه بس اول مره استحي ما ني قايلها موزونه مره

[راايق بالززحمه !]

بـسـم الـولـي نـبـدا بنـظـم القـصـيـدي=ولاهـو اكيـد انـه علـى الــوزن تـافـي
ان جت على الوزنه ترى اليوم عيدي=ون مـا حصـل تشجـيـع بـاقـول كـافـي
من غير ابو ضاري...........عضيدي=ولا يهـون بـدر مهنـدس ن كـل خافـي


صح لساانك يالغالي

وهذي اول مشااركه لي

واسمحلي اقولك كاافي ووافي[/b]

[سيف الخوالد]

يطول عمرك اخوي بس تراي بلشت وش اكتب محل النقط هذي عجزت عنه
على العموم الله يحيك اخوي في منتدانا وانشاء الله تفيدنا ونفيدك بما نستطيع اخو عزيز

[غنام التميمي]

صح لسانك يابوعلي ,,, وتقول مبتدئ بعد؟؟؟
بس اذا تبي نصيحتي ......
اذا جاك هاجوس القصيد مره ثانية ،،،
اقفل جوالك ، واتجه لمكان ما يجيك فيه احد ، وتشوف وش تكون النتيجة
,,, ما تشوفن احياناً امشي من عندك بدون ما أستأذن منك

[سيف الخوالد]

تسلم يا شاعرنا والله انت والشباب كلهم رفع معنويات ما احد قصر وترى ابهل الباقي الله يعينكم على الحورنيات

[بدرالهبيري]

صح لسانك يابوعلي ,,, وتقول مبتدئ بعد؟؟؟
بس اذا تبي نصيحتي ......
اذا جاك هاجوس القصيد مره ثانية ،،،
اقفل جوالك ، واتجه لمكان ما يجيك فيه احد ، وتشوف وش تكون النتيجة
,,, ما تشوفن احياناً امشي من عندك بدون ما أستأذن منك

هذا الكلام اللي يجمد على الشارب ..

الشعراء يختلفون منهم من يكتب لو فوقه ثلاثين يقرقون وفيه شاعر
لايكتب الا وهو لايسمع ولاحس ماغير حس الالهام يعني بخلا ماحوله احد..


الشاعر غنام التميمي والشاعر ابراهيم المهنا ماقصروا ولكن لابد من ان
ادلي بدلوي ...

الابيات جميله
ونمسكها بيت بيت ..

البيت الاول :

بـسـم الـولـي نـبـدا بنـظـم القـصـيـدي .. ولاهـو اكيـد انـه عـلـى الــوزن تـافـي

هذا البيت مشد القصيده والمشد اول بيت بالقصيده على مااضن وارى فيه انه
لاينقصه شيئ خصوصا ً الشطر الاول :
بسم الولي نبدا بنضم القصيدي ..
شطر ولااجمل وبدايه قويه ..
الشطر الثاني :
ولاهو اكيد انه على الوزن تافي ..

هنا خطأ لغوي بسيط قد يفقد القصيده جمالها خصوصا ً ان الشطر الاول قوي
ولكن هذا الشطر في نوع من الضعف زد على ذلك خطأ لغوي فانت أنثت القصيد
بقولك تافي فلو اتيت بكلمه تجعل القصيد مذكر لكان افضل مثلا ً لو قلت بدل
تافي وافي لكان افضل ولااستقام المعنى كذلك لو جئنا للمعنى فلو بدلت ضعف
البيت جوهريا ً كأن تقول ان قافك وافي لكن افضل لان بدايه قويه كهذه من الافضل
ان تكون الثقه بالنفس ظاهره بباقي القصيده بدون غرور طبعا ً كان في مامعناه
ان هناك شعراء اقوياء وانا كذلك قوي ..

البيت الثاني :

ان جت على الوزنه ترى اليوم عيدي .. ون مـا حـصـل تشجـيـع بـاقـول كـافـي

والبيت هذا ناقضت به الشطر الثاني في البيت الاول فكنت تقول ان ليس مؤكد
ان وزنه كافي ثم قلت في هذا البيت انها ان اتت للوزن فهذا يوم عيدي والقارئ
للبيت يفهم مباشره ان القصيده موزونه ومضبوطه مع انك من قبل قلت ان ليس
مؤكد وزنه ..

والشطر الثاني قلت :
وان ماحصل تشجيع بااقول كافي ..

وهذا معناه انك تنتضر التشجيع وان لم يحصل تشجيع تتوقف ..
والتشجيع لايكون للشاعر لانه يكتب مشاعره من اجل انه يكتب
مشاعره يعني يسطر معاناته على الورق وبالشعر ويخرج منه
الشعر برغبته بدون تشجيع ...

البيت الثالث :

من غير ابو ضاري...........عضيدي .. ولا يهـون بـدر مهنـدس ن كـل خـافـي

اراك استعجلت به كثيرا ً فظهر بهذه الصوره ..
هو مكسور مع انك ضبطت ماقبله من وزن في البيتين السابقين 100 % ..

الاستعجال بكتابة القصيده هو سبب ظهور بعض الاخطاء عند بعض الشعراء
فلو تريثت قليلا ً لكان البيت الثالث مثل سابقاته موزون ...
كسره واضح واستعجالك اخي سالم واضح بارك الله فيك ..

إذن البيتين :

بـسـم الـولـي نـبـدا بنـظـم القـصـيـدي .. ولاهـو اكيـد انـه عـلـى الــوزن تـافـي
ان جت على الوزنه ترى اليوم عيدي .. ون مـا حـصـل تشجـيـع بـاقـول كـافـي

لاغبار عليها من ناحية الوزن ابدا ً ولاينقصها الا الحبك القوي والسبك الممتاز
وبإذن الله لن تغلبك بل انت من سيغلبها

والبيت الثالث :
من غير ابو ضاري...........عضيدي .. ولا يهـون بـدر مهنـدس ن كـل خـافـي

فقط ماينقصه الوزن ........

اخيرا ً تنبيه بسيط وارجوا ان تستفيد منه اخي ابو علي :

الوزن والقافيه مهمه وضبطها من مقومات القصيده النبطيه ولاخلاف
على ذلك ولكن الا ترى ان هناك قصائد موزونه ومقفاه ولكن لايوجد
بها روح كالسجد بلا روح ..!! اتوقع انك تتفهم ذلك والا ماكنت تميل
للشعر وتتذوقه وتعرف الرديئ والممتاز ..
هناك كثيرون أدباء ولكن ليسوا شعراء ويعرف القصيده الموزون والغير
موزونه وانا اراك منهم اخي سالم ., اذن فالمعنى هو اهم شيئ
بالقصيده بعد الوزن والقافيه فلو كانت القصيده كاملة المعنى
والمغنى ( القافيه – والوزن ) لكانت قصيده محبوكه ولايستطيع
نقدها اكبر شاعر ...
بما انك اجدت الوزن وهذا مارأيته بالبيتين الاولين بخلاف الاخير الذي
لو لا استعجالك لجاء مثلهما موزون بما انك كذلك فقد وجهتك على
الاهتمام بالمعنى ومن بعد ذلك مراعاة تسلسل الافكار فهي توازي
المعنى بالاهميه فالقا رئ لقصيدتك من الطبيعي انه يمل منها
ان كانت موتورة الافكار بخلاف ان كانت متسلسله ومتتابعه بالافكار
والتنقل بين الابيات وهذا الشيئ لاياتي الا بالمحاولات ومعرفة الاوزان
والبحور وانت بااذن الله ستبدع بما انك اجدت الوزن ., واخيرا ً القفله
للقصيده فلاتجعل القصيده موتوره بحيث تنتهي منها والقارئ او المستمع
لايعلم انك انتهيت فان اجدت القفله لم يتبقى لك أي شيئ ..
اتمنى لك التوفيق والاستمراريه وانا بخدمتك وخدمت الجميع ...
تحياتي وتقديري .. بدرعيد ..

[سيف الخوالد]

ابقول لك حاجه اخوي بندر

بكل صراحه اول مره اقراء ما يكتبه زملائي حرف حرف سواء ابو ضاري الله يعطيه العافيه
او الصديق العزيز غنام
او اخي بدر عيد
قراءت كل ما كتبتوه حرف حرف ليه
لان هذا الموضوع وما تسوقونه لي من ملاحظات بأخذها بعين الاعتبار لاني ادري ان هذا التوجيه ما بعده ولن يحصل لي من احد اخر انا ولله الحمد اتذوق القصيد ولي رغبه سابقه ولكن ضروفي العمليه ما كانت تساعدني لانه يحتاج قراءه وتفهم كامل قبل البداء خلاف الموهبه والاحتكاك والحمد لله الاحتكاك الان مع شعار المنتدى بيستمر وسوف نأخذ التوجيهات بعين الاعتبار ولا يعني هذا عدم القراءه في كتب من سبقونا
ولكن انتم الخير والبركه وانا كنت متحمس ليس لاكون شاعر
ولكن انا والله ارغب تشجيع غيري ممن يرون في ذلك ما يرون من حياء وخلافه خوفا من الوقوع بالاخطا ولكني ارغب فتح المجال لهم ولا يمنع ذلك من تنمية مهارتي بالقدر الذي استطيعه من خلالكم
توجيهاتكم محل تقديري واحترامي وسوف اخذها بالاعتبار
علما ان هذه القصيده ما لها اي دافع وانت تعرف القصيده اذا لم يكن لها دافع مجرد خطرت ببالي كبدايه لي ولبقية الاخوان لذلك لم يكن في خاطري ما اتطرق له خلاف ما لدي بالمحل من عماله وازعاج وما الا ذلك
لكم كل تحيه وتقدير وانشاء الله بنتواصل من احسن الى احسن

[بدرالهبيري]

بالخدمه ابو علي وحاضرين بارك الله فيك
واتمنى ارى من يريد طرح قصيدته ليطور
من مهاراته وسوف بااذن الله لن يرى الا
مايسره ولااحراج ولاشيئ لايتعلم الشاعر
الا من اخطائه يابو علي ..
الله يوفق الجميع وشكرا لك ابو علي على
تشجيع الاخوان ..

[سيف الخوالد]

تسلم اخوي بدر وبقية الشعراء بالموقع وانشاء الله بنجتهد بهالمجال وبعدين يمكن ننافسكم
ههههههه
ما الظاهر عقب هالعمر
بس الشباب فيهم البركه وانشاء الله ان عندي ابشرك خير كثير وابغا هله بهالموقع على ما تجي لين افلح
ههههههههه
تحياتي

[شـــــديد]

قصيده حلوه وبدايه جيده يابو علي لكن أسئلك بقصيدة الرجال بينا أشجار النخيل تلاحقني وقلبي من حبها أشتعلو

[شـــــديد]

قصيده حلوه وبدايه جيده يابو علي لكن أسئلك بقصيدة الرجال بينا أشجار النخيل تلاحقني وقلبي من حبها أشتعلو

[سيف الخوالد]

ابو سامي ملاحظ انك بديت تردف

اما اللي انت كتبته ما فهمته الصراحه بس يمكن بدايت قصيده ناوي تقول به


لا تستحي خذ راحك وعطنا اللي عندك

[شـــــديد]

نسيت قصيدة الرجال يوم بالنخل يوم يجيه الاالهام وينضم قصيدته المشهوره ( بينا أشجار النخيل)
تذكر وتعرفه...............

[الــذهب وزني]

صح قلبكـــ أبو علي

ودمت متألقآ كما عرفناكــ..........

[ابوماجد]

صح لسانك ياسالم

[سيف الخوالد]

مشكورين اخواني
الذهب وزني

وكالعاده الثنائي
ابو سامي
ابو ماجد


الله يطول لي في عماركم ويسعد ايامكم

مشكورين على هالتواضع ودمتم لي