( وين الوفا .. هذا جفا .. ) .. مصافحه اتمنى ان ترقى لذائقتكم ...

[بدرالهبيري]

بسم الله الرحمن الرحيم


السلام عليكم ورحمة الله وبركاته ...

اخواني اعضاء منتدى هبس الكرام ..
أخواني الشعراء ، أقدم لكم هذه القصيده
وآمل ان تحوز على رضاكم .......


وين الوفا .. هذا جفا .. ماعاد به شي ٍ يعيد=وقت ٍ مضى .. عهده قضى .. مااضن بيفيد الكلام
دامك نسيت .. اني شريت .. ودك ولاردت الجديد=واني وفيت .. صدق وصفيت .. لك انت وحدك بالتمام
لابد اقول .. قول ٍ عدول .. مايهم لو شفت المزيد=من كل ذم .. وكل هم .. مايهم لو زاد الملام
انا صريح .. هذا الصحيح .. ان ردت والا ماتريد=انت اهتنيت .. وانا انكويت .. بالليل عيني ماتنام
عشت القهر .. طال السهر .. وش حيلتي بك يالعنيد=مات الهوى .. يوم انكوى .. قلبي ومليت الغرام
شفتك غدرت .. ولاذكرت .. إني من اسبابك وحيد=واني سهرت .. ولااشتهرت .. الابشي اسمه خصام
ماهو عشان .. جور الزمان .. انا شقيت بيوم عيد=أنت السبب .. منك اغترب .. قلبي وصابه إنهزام
اناوين اروح .. كلي جروح .. بااسبابك همومي تزيد=كلك غرور .. كلك سرور .. تضحك وانا د ربي حطام
بالله شقول .. مابه حلول .. الا بأشعاري أزيد= شح السلام .. ضاع الغرام .. قلْ حتى الإحترام
لاشك اشوف .. ان الحروف .. بها يجي معنى أكيد=مما حصل .. قلبي وصل .. لدروب مليانه ظلام
بس انت ليه .. تقسى عليه .. وتحده لضرف ٍ شديد=خلاص فات .. وقتك ومات .. حبك بقلبي ياحرام
انسى وفاي .. وانسى هواي .. الوصل اشوفه مايفيد=حتى القليل .. ذا مستحيل .. ماعادابي حتى السلام



وسلامتكم ..


للعلم هذه القصيده نشرت لي في مجلة قطوف عدد 53
قبل مايقارب ثلاث سنوات احببت مشاركتكم بها وشكرا ً

تحياتي وتقديري .. بدرعيد ..

[قادم]

أخي بدر رائع ينثر روائع ولا أزيد
عن القول صح لسانك

[بدرالهبيري]

الاخ القدير قادم بارك الله فيك والرائع
حضورك فقد زادني شرف صح بدنك
وكفيت ووفيت الله لايهينك ..
تحياتي وتقديري .. بدرعيد ..

[إبراهيم المهنا]

بسم الله الرحمن الرحيم


السلام عليكم ورحمة الله وبركاته ...

اخواني اعضاء منتدى هبس الكرام ..
أخواني الشعراء ، أقدم لكم هذه القصيده
وآمل ان تحوز على رضاكم .......


وين الوفا .. هذا جفا .. ماعاد به شي ٍ يعيد=وقت ٍ مضى .. عهده قضى .. مااضن بيفيد الكلام
دامك نسيت .. اني شريت .. ودك ولاردت الجديد=واني وفيت .. صدق وصفيت .. لك انت وحدك بالتمام
لابد اقول .. قول ٍ عدول .. مايهم لو شفت المزيد=من كل ذم .. وكل هم .. مايهم لو زاد الملام
انا صريح .. هذا الصحيح .. ان ردت والا ماتريد=انت اهتنيت .. وانا انكويت .. بالليل عيني ماتنام






.


أخوي الشاعر /بدر .....

صح لسانك .....

تمكن غير مستغرب ......

شكرا لقلبك ...وعقلك .....

ويابدر إذا لم تنشر مثل هذه القصآئد فماذا ينشر بالله عليك.؟؟؟؟

[هبس]

صح لسانك ويسلم والله بنانك ياشاعرنا الغالي بدر
وتسلم والله على هالقصيدة الرائعة والجميلة والعجيبه في مبناها
وبصراحة انكم ما قصرتوا سواء أنت او شاعرنا ابو ضاري او شاعر غنام
اعطيتونا من معين كلماتكم وسرني بكل حق تفاعلكم

وتقبلوا مني كل تحية وتقدير

[سيف الخوالد]

صح لسان شاعرنا القدير وشاعر المنتدى بندر عيد
يسلم بنانك
لك فائق احترامي وتقديري

[غنام التميمي]

صح لسانك اخوي بدر
ننتظر المزيد من الابداع
تحياتي

[سندهبس]

صح السانك أبو عيد ..
تكفى نبي كم وحده مثله أو أحسن ..

[شـــــديد]

صح لسانك أخي بدر قصيده قمه بالروعه

[قرنـــاس]

تسلم على ها القصيده يبو عيد وصح لســـــــــانك

[عاشقة ديرتها]

ماشاءالله عليك اخوي بدر وصح لسانك
بس معقوله من ثلاث سنين وحتى الأن عايش شعرك بأحساسه
اناوين اروح .. كلي جروح .. بااسبابك همومـي تزيـد
كلك غرور .. كلك سرور .. تضحك وانا د ربي حطـام
الله يكون بعون الجميع