ديوان الشاعر الكبير شقير الجذع ديوان رائع لا يفوتكم !

[شـــــديد]

قرأت موضوعا للاخ المنتقم يطالب فيه بقصائد للشاعر الكبير شقير الجذع وقد بحثت عن القصائد واثناء البحث وجدت موضوعا للشاعر كتبه العضو المميز ابن نجد ولكنه لم يجد الصدى المرجو ثم اخذت كل القصائد الموجوده ووضعتها في موضوعي آملا من الله ان ينال اعجابكم

اولا رابط موضوع الاخ ابن نجد

http://www.otaibah.net/m/showthread.php?t=5384


وشرح مبسط عن الشاعر

هو شقير بن عقيل الجذع الروقي العتيبي

كان من سكان عفيف ويسكن الان في الرياض


اولى القصائد قصيدة رائعه في القبيله باسم (( تاريخ عتيبه ))






يقول الى بـدع صـاف المثايـلمعانيهـا الصحيحـة جايزتـهـا
نبيهـا تنتبـه بعـض القبـايـلكـان أفـعـال أههلناجاهلتـهـا
يشيب القلب لـو يعلـم ويـدريلو ان الارض تظهـر ماتحتهـا
عرف بافعالنـا شيخـان نمـرىعتيبـة فـي المعـارك قتلتـهـا
على سرد المهار بسيـفٍ أملـحيبـت الجمجـمـة حدرقبتـهـا
علـوم مـا نبـى فيهـا معـلـمحكـى تاريـخ نجـد بسالفتهـا
توضـح فعـل روق وفعابـرقـاعتيبـه والاسـامـي قاسمتـهـا
وقبيلـة وحـدة والفعـل واحـدهـوازن والقبـايـل عارفتـهـا
حربـنـا وارتكاناللـحـرايـبعتيبه مـا سطـة نجـد ملكتهـا
نزلنـا نجـد بشلفـن تـبـارىونمرىٍ تدرق الشمـس عسمتهـا
كما نـوٍ يزلـزل بـا لرواسـيسحابـة برقهـا مـن صاعقتهـا
رعدها المـاس والبـراق شلفـاالى صابـت لهـا جثـة فرتهـا
نهار إنّـا علـى نجـد حدرنـاتـواريـخ الليـالـي ورختـهـا
حدانـا الوقـت والدارمحمـيـهقبايـل عـن قبايـل حاميتـهـا
وطلبنـا منهـم المربـاع فيهـاورفضها الشيخ والقوم رفضتهـا
ورديـنـا عوانيـهـم عليـهـموردات البـرى تعـرف سنتهـا
ونشرنا بارق الحـرب ومشينـاوفكينا الحمـى عـن ماسطتهـا
ونزلنـا ماسطـة نجـد وبنينـاورواعيـنـا مراعيهارعـتـهـا
رعت عشب الربيع وقيضت بـهومواردها على الحـول وردتهـا
ترد قطـم التـوادي فـي ذرانـاوتشرب كل عينـن مـن شفتهـا
نردهـا لـو مواردهـا مخيفـهليـا ماصبحـت قـوم هجدتهـا
تحاربنـا القبـايـل ونحربـهـاعتيبـه كـم قبيلـه حاربتـهـا
وهذه من شهـود أفعـال أهلنـاوتضـاف التالـيـات لسبقتـهـا
ويـوم مريّحـه والرضـم حنـاويا كم مـن مراضيـع أيتمتهـا
عتيبـه مـن عصورالجاهلـيـهليا صالت علـى قومـن خذتهـا
أقولـه وانشـد التاريـخ عـنـامـن أول سالفتهـا لا اخرتـهـا
وهذه من شهـود أفعـال أهلنـاوتضـاف التاليـات لسابقتـهـا
وتعلم عن طـلال وعـن نهـارهتعلـمـك الليـالـي بحادثتـهـا
جموع جاتنـا حضـر وبـداويوحنـا جمعـة تعـرف فيتـهـا
وقفنا فـي نحـور القـوم وقفـهتبـي تفنـا ترثـهـا مانستـهـا
وقفنـا دونهـا بالسيـف حـنـاوهـي بعقـل تعجبـك رطنتهـا
وكسرناهم وخذنـا الخيـل منهـموطرحنا شيـوخ للحيـز وكلتهـا
ومنعنا الـي يبـا منـع وزبنـاومـاقـال العـطـاوي بينتـهـا
وهذي من شهـود أفعـال أهلنـاوتضـاف التاليـات لسابقتـهـا
مثل عرجا والانصـر والدفينـهثـلاث وكـم ثلاثـن ماثلتـهـا
كلامن صدق ما نبغـى الظلايـمولاتعـتـز قــوم بظلمـتـهـا
على عرجـا قبايـل مـع قبايـللكـن حظوظـهـا ماساعدتـهـا
تـريــد ولله الـخــلاق رادهتبـي هزمـة عتيبـة وهزمتهـا
علـى الميعـاد جينـا للمـلاقـااليـا بعـض الجمـوع مخليتهـا
سروا واللي بقـى معـه التقينـاصبـاح وكـل ساعـه ببركتهـا
علـى قبـن يعلجـن الحـدايـدوشلفـن مـاتـداوي صايبتـهـا
نضد بها العداء يـوم الحرايـباليا مـدت لهـا كـف قطعتهـا
وهذه من شهـود أفعـال أهلنـاوتضـاف التاليـات لسابقتـهـا
وعلى الانصر غزو قـوم علينـاوبقت بأسمى الجبـال مسميتهـا
غزانا حاكـم القطـر الشمالـييقود اسـراب واسـرابٍ قفتهـا
يبـي ياخـذ عدايلنـا الولايـفوحدانا القوم عنهـا مـا خذتهـا
وخذنا الخيل والجيـش الاصايـلقلايـع بـالاشـده وخرجتـهـا
وراحت مرج خيـل القـوم منـايكود الى أكـل المـاس فطحتهـا
عليها مـن أهـل العنـه شهـادهتغنـى بالـحـروف مغنيتـهـا
وهذي من شهـود أفعـال أهلنـاوتضـاف التاليـات لسابقتـهـا
وبعطيكـم خبـر يـوم الدفينـهواعلـم بالعلـوم مـن أولتـهـا
غزانـا قـوم يبغـون الطمايـعوغيرنـا النوايـا الـى نوتـهـا
وحداناهم علـى روس الحتايـفبعـد طـال النهـار بمعركتهـا
بحـد السيـف ميلنـا عليـهـموعلى الفرسان حامـت حايمتهـا
وسمـي صمـد معتـق بالدفينـهعتـاق نفـوس ونفـوس قتلتهـا
فعايل روق عطبيـن الضرايـبعـزاة مـا تهـاز مجاورتـهـا
عوايدهـم يضـدون المـعـاديحياض القـوم كـم مـره كفتهـا
مثل هاك النهـار ومثـل غيـرهنعـد لكـل وقـعـه شاهدتـهـا
ليـا منـا نوينـا الحـرب حنـانعشـي الجايعـات بمجحرتـهـا
من الى يلبسون الجـوخ واللـييقـودون الـسـرب بمقدمتـهـا
يكود اليـا عفـى ربـي عفينـاعتيبـه دايـم العفـة صفتـهـا
وهذي من شهـود أفعـال أهلنـاوتضـاف التاليـات لسابقتـهـا
ويوم اوضاخ والحفر وحراضـهدواويــن الفـعـول مدونتـهـا
عليهـا تشهـد أبيـات القصايـدومـوارد شيـخ قـوم فارقتـهـا
شهود وضـاخ حسيـان وركايـامـا تنشـد صادرتهـا واردتهـا
اخذناها بحد السيف وحـد شلفـاوجبعـا تاكـل الـرؤس فشقتهـا
مضاربها الجماجـم مـن يدانـاويا كـم جمجمـة راس نفضتهـا
مأخذناهـا بطلبـات ومـبـاديولاسقنـا الثـمـن لمعمرتـهـا
على وضح النقى مهيـب خدعـهولاقــط حـددانـا خادعتـهـا
عليهـم جرهـا زيـزوم نمـرىسربنـا نـزل أهلهـا شددتـهـا
وصارت من يداهـم فـي يدانـانستهـا الـقـوم والاخابرتـهـا
وهذي من شهـود أفعـال أهلنـاوتضـاف التاليـات لسابقتـهـا
ويوم الحفر زبنـه مـن شهـودهجموع حـزت الهـوش زبنتهـا
يبـون الضلـع يرفعهـم علينـاوفـوز المعركـه لمسيطرتـهـا
وتسيطرنـا وعديـنـا عليـهـموقضينـا اعداتنـا مـن عاليتهـا
بسرد زادهـا مـاس السراعـهنخرط المشـط ونطـش سعفتهـا
صليـب العظـم يغدنـه شظايـاقطرهـا مايـخـون معايرتـهـا
وخذنـا عـد مقرعـة التـواديليـا جـت والسمايـم سايقتـهـا
تــرد مــران والعدالهـلالـيوتقود النصر واطـراف هدجتهـا
ومن هـاك الزمـن لليـوم حنـانسوق القـود ونغـرس نخلتهـا
وهذي من شهـود أفعـال أهلنـاوتضـاف التاليـات لسابقتـهـا
ويوم البـرك والعصـلا وغيـرهجبال الـدار تشهـد وشجرتهـا
تعلمـك المـواقـع بالأسـامـيبساميـهـا ومـنـه مسميتـهـا
بأسامي نـاس سمونـا النوامـيكمن حضوضهـا مـا نومستهـا
مداغيـش يـضـدون القبـايـللكـن لكـل حاجـه معجزتـهـا
وهذي من شهـود أفعـال أهلنـاوتضـاف التاليـات لسابقتـهـا
وعلى العصلا نهـارن تسمعونـهكـلام شهـوده الـى حاضرتهـا
عدد تسعيـن مـن رؤس قبلانـانعتـهـا بالعبـايـر ناعيتـهـا
اقولـه والعلـوم الهـا دلايــلمواقـف والفـعـول مبررتـهـا
وهذه من شهـود أفعـال أهلنـاوتضـاف التاليـات لسابقتـهـا
وترى يوم الرحى تسعين فـارستعشتهـا السـبـاع ووزعتـهـا
خلاف شرف بالسيـف المصقـلعدايل شيوخ نجد اللـي حمتهـا
غزانا من شمـال الـدار حاكـمبـروكـات تـبـذ معـددتـهـا
طنايـا مـا يعرفـون التراجـعلـكـن اّلاد بـرقـا رجعتـهـا
بعد يوم تشيـب ابـه الرضاعـهتحوز من العـزاه ليـا اعتزتهـا
عزاة شيـوخ ماضيـن الفعايـلذرى جـرد الرقـاب متيهتـهـا
عوايدهـم يفـكـون التـوالـيمثـل هـاك النهـار بسالفتـهـا
وهذي من شهـود أفعـال أهلنـاوتضـاف التاليـات لسابقتـهـا
وترى يوم العوينـد كـم فـارسعليـه الرمـل تـذري ذاريتهـا
نوونـا بالهزيمـه يـوم جـونـاومنـا نيـة الـقـوم احرمتـهـا
وعود جدعهـم فـي القـاع منـامثل جدع الخشب من عاصفتهـا
وهذي من شهـود أفعـال أهلنـاوتضـاف التاليـات لسابقتـهـا
وعلى درب المباحيـص التقينـاشيـوخ القـوم طفينـا بختـهـا
لعيـن الـي تنـادي بالاسامـيتثـاري للنخـاه الـى نختـهـا
أخذنـا حلـة القـوم ودبشـهـمجـزاءً لفعولهـا الـى فعّلتـهـا
نجازيهـم بمـا مـدت يـداهـمنكيل الصـاع والنـا راجحتهـا
وهذي من شهـود أفعـال أهلنـاوتضـاف التاليـات لسابقتـهـا
ويـوم شيـوخ بالسـرده تسمـىويـوم المجمعـة فـي مجمعتهـا
طرحنا الشيخ زيـزوم السرايـاسنـه وهـوه يـداوي صايبتهـا
وذبحنا الشيخ بـن عمـه شقيقـهعليـه القـوم ياكثـر احسفتهـا
وكسرنا الباب عن قطم التـواديوكسرنـا ابـواب قـوم قفلتـهـا
وهذي من شهـود أفعـال أهلنـاوتضـاف التاليـات لسابقتـهـا
وشمال النير واللي فـي جنوبـهوتـرى يـوم الهييشـه ثالثتهـا
علينا في الهييشـه ميـل ساعـهومنا نصـف ساعـه عوضتهـا
وذبحنا عشرة مـع درب عشـرهوخمسـة بالحسـاب لمحصيتهـا
علينـا ميلـة فالـعـام مــرةوعليهم خمـس ميـلات بسنتهـا
وهذي من شهـود أفعـال أهلنـاوتضـاف التاليـات لسابقتـهـا
غلبنـا يـوم كـون الحرملـيـهوغلبنـاهـم بعـشـر ماثلتـهـا
نـرد شيـوخ ضيفـانٍ لأهلـنـاونشـرب بالفناجيـل قهوتـهـا
عليهـا قـال شاعرهـم قصيـدةوقلنـا مثلهـا اللـي خلصتـهـا
وهذي من شهـود أفعـال أهلنـاوتضـاف التاليـات لسابقتـهـا
وشمال النيـر مـع قـوم التقينـاجمـوع قــدرة الله جمعتـهـا
يبون من الحمي الـى العرايـسوعبلة شرثه الـي مـن تحتهـا
ويبون من الثنادي الـى الذنايـبوعبلـة سفـوه اللـي كانفتـهـا
ويبون من العريق اليـا الينوفـيمرابـي ادباشنـا اللـي رابيتهـا
وحلفنـا حلـف مايمشـون فيهـاوباقلـنـا بـواقـي ساكنتـهـا
ونـادى شيخنـا ويـن النشامـىهـل الـعـادات حزةواجبتـهـا
وتعزوانـا وكررنـا الـعـزاويوثورنا اشهـب الملـح دخنتهـا
لكن مـن الفشـق منـا ومنهـمبـرد نـدر يخيـف مخيلتـهـا
وعليهـم مـن مباطحنـا عدينـاواخـذنـا كــل جبعابرقبتـهـا
وهزمناهم وصار الاسـم باقـيتسمـي بالـطـراد مسميتـهـا
وهذي من شهـود أفعـال أهلنـاوتضـاف التاليـات لسابقتـهـا
وجنوب النيـر شيـخ جرنمـراعليهـا فـوق عــد واردتـهـا
وتلاقوا مع فريـق مـن عتيبـةوولــع فالفتـيـل مولعـتـهـا
مضاربهـا بـروس شيـوخ والاّبـسـرد والأعـنـة قاضبتـهـا
عليهـا سجـل الشاعـر شهـادةذيـاب النيـر ينعتهـا نعتـهـا
قصيـدة شاعـر قـال الحقيقـةلمـن يجهـل خبرهـا فسرتهـا
وهذي من شهـود أفعـال أهلنـاوتضـاف التاليـات لسابقتـهـا
وجنوبي ظلم شيخ جـر نمـرىعلى أذواد من المضمـا خذتهـا
عزيب وكل راعي هـج رجلـيوراحـوا كـود بنـت عانقتهـا
وقالـوا عـودي يابنـت عـنـاوقالـت فزعـة البـل خابرتهـا
قدم وان كـان مالحقـوا طلبهـاابا انزل حين أصيـر موازنتهـا
وبخنقها نشرتـه فـي عصاهـاوصاحـت للفـزوع وفزعتـهـا
صلاة الظهر وأختـف المصلـيوعجلـت الصـلاة مصليتـهـا
وقالـت ياهـل العـادات قومـواترى البل جاتهـا قـوم وشعتهـا
والياهم سبعـة مـن دون ثامـنأهل سبـع مـن الخيـل لحقتهـا
عليهـا سجـل الشاعـر شهـادةلمن يجهـل خبرهـا وضحتهـا
وهذي من شهـود أفعـال أهلنـاوتضـاف التاليـات لسابقتـهـا
وعلى الصواي والبكري وساجـرويوم سـواج ظفـره خامستهـا
نـرد شيـوخ ونجيـب القلايـعتسولـف بالفعـول مسولفتـهـا
علـى الصـواي ستيـن منعانـاجنوب الشعـب غـرب مثلثتهـا
منعناهم واخذنـا الجيـش منهـموبدلـت الـوسـوم موسمتـهـا
عليهـا قـال شاعرهـم قصيـدةتدونهـا الصحايـف وكتبتـهـا
وهذي من شهـود أفعـال أهلنـاوتضـاف التاليـات لسابقتـهـا
ومنعنا يوم كـون غثـاة سبعـةمـن الشيخـان غيـر مرافقتهـا
بعـد ماعـودوا وقالـوا وقلـنـابسيـة وجـه بتـلا وحسنتـهـا
ورضـوا بالكـلام الـي نقولـهفرضناها على القـوم ورضتهـا
منعنا نصفهم والنصـف الآخـرعبـاريـد المـشـوك شتتـهـا
وهذي من شهـود أفعـال أهلنـاوتضـاف التاليـات لسابقتـهـا
وغيره كـم أعـد وكـم أخلـيتشيب ابهـا القوافـي ماكملتهـا
مثـل يـوم القريـة والخـنـاق؟؟؟؟؟؟؟؟؟
ومثل يـوم النجـج والعرفجيـة؟؟؟؟؟؟؟؟؟
تفرقهـا المـواقـع والاسـامـيوتواريـخ اللـيـال مورختـهـا
نـرد الصـادرة فـوق المغبـةونشـب النـار ونزيـد شعمتهـا
عوايدنـا اليـا دارات رحـانـاعلـى حبـة معاديـن طحنتهـا
وهذي من شهـود أفعـال أهلنـاوتضـاف التاليـات لسابقتـهـا
ولا أقول اني احصيت المواقـفطويـل شرحـهـا لمعددتـهـا
على الطـالات أهلنـا عودونـاعلى اكرام الضيوف اليا نصتهـا
وعلى لطم الحريب اليـا حربنـاوعلـى تقديرهـا لمجاورتـهـا
وعلى فـك الدخيـل اليـا زبنـايديـن عـداه نقصـر طايلتهـا
وهذي من شهـود أفعـال أهلنـاوتضـاف التاليـات لسابقتـهـا
وحسب ماعرف ذكرت اللي قدرتهوتفسير القصص مـن معرفتهـا
وعن اللي ماعرفتـه سامحونـيمن العريـف نطلـب معذرتهـا




وقصيده رائعه اخرى باسم (( ملحمة عتيبه ))






مشهاتهم هرموع غـرب القـرارهوخشم العريق وصفو واقصاه وادناه
وادن مسيلـه تحتديـه الـزبـارهوادن غدير الضرس مارد رعايـاه
هـذاك شـف متيهيـن الـحـوارهلاصـار بالشبـرم مربـه ومربـاه
لا بكر الوسمـي ولجلـج خضـارهياهجر حي(ن) مامشى فيه هجـراه
ما كف طخفـه وستندبـه ايسـارهوللهضبه اللي رسها ينكـري مـاه
رس(ن) ليا حطيت مـاه بغضـارهخطرن على اللي مادرى عنه يكفاه
وياصل ضواحي كشب وادنى سمارهوعد(ن) لعل مروح المـزن ياطـاه
حد السهل مـن نايفـات الحجـارهلـو انتحانـا بالخطـا مانسيـنـاه
حتيش لو عشنـا بجـو الحضـارهقلوبنـا بأمـلاك الاجـداد مشقـاه
مدهال ربعـن يشعمـون المنـارهلطامـة العايـل نهـار المـلاقـاه
عدٍ قـراح وعـدٍ همجـن بيـارهالله يرحـم سربـتـن ورثـونـاه
قبيلـةٍ يعـرف بهـا العـد كـارهالاسـم بيـن والقبايـل مسـمـاه
يكتبنـا التاريـخ بأسمـه عبـارهمشددتنا جـردة الركـو عـن مـاه
جمعـن علينـا ودهـم بانتصـارهوعن حدنا وقت المواقـف حدينـاه
باللـي عباريـده تقـادح شـرارهلوقعت في صامل العظـم تشضـاه
ندحم به الاجنـاب جبـر وجـدارهوالعد حده مـن اعدانـا احتمينـاه
لا لا المشايـخ نزلـة والامــارهوحطو حدوده من ورى حد مضماه
سقوى ليا عج النفـل فـي حجـارهوتعاقبت خضـر المسايـل بقفعـاه
فالبـرد ولا فـي ليالـي الحـرارهيازيـن مقياضـه ويازيـن مشتـاه
تصبح وتمسى في وبرهـا غيـارهحمى الشعاف وكل شـي جربنـاه
وليا نويت مـن الشفـا بانحـدارهاطمن على عردان وانزل حـوالاه
واخذو لها يـم اسفـوات افتـرارهوردو سجا وانزل جنوبن لمضمـاه
في جاضع المشقوق بايمن مطـارهوخل الدبش عبلة خسـاران مفـلاه
يومن على البـره يومـن يسـارهعلى الينوفي وشربوا كرع خبـراه
تراه مـن نجـد المسمـى خيـارهيازين سجـات القـدم فيـه زينـاه
دارن تقول هضابها نصـب شـارهيصفق عليها النود من كـل مجهـاه
بيض العبال اللي هواهـا طهـارهلروح نسيمـه هايـم القلـب داواه
ماكفـه الصاقـب لحـد الفـقـارهمن لاربا فيه الدبش ليـش يجنـاه
خسارتـن جنيـه وتبعـه خسـارهلو كل نفسن فـي وطنهـا مشقـاه
وكلن على فكـره يقـول اختيـارهولو خيرونـي غيرهـا دار مبغـاه
من ابرق ابن حميد والعلـم اشـارهللحمـي ولبـة النـيـر واغـثـاه
وايضا من الماء الحي شعر ومفارهمـن الجثـوم للرقـاش وهبـايـاه
سنـام نجـد اللـي يسمـى فقـارهكم شيخ قومن جاء يبـاه وطردنـاه
لو يلحقـون القـوم غـاره بغـارهكلـن نسوقـه ليـن نقلـع نحايـاه
يشهد به الاوصر وحِبـل ومـدارهومعتق وعرجا والبر اللـي رفعنـاه
وطلال يوم ان الجو ثـور غبـارهقامت مضاوي طيب الخـال تنخـاه
سقنـا عليهـم سوقتـن بانتصـارهومنا جموع القوم كثـرت رزايـاه
يومن صحايف نجد تعلـن خبـارهوقال شليويـح العطـاوي بمعنـاه
ألـد روق اللـي تهـوش بجبـارهتشهد لهم ضلعـان نجـد المسمـاه
ويوم غدده واللـي بجـو النمـارهويوم الرحا ووضاخ تشهد ركايـاه
ويشهد شدا باللي وقع فـي جـوارهعد اربعه قـال المخـازن معبـاه
في ماقعـن يـم التناضـب ديـارهمن الوسيق اللي خـذوه استعدنـاه
والمجمعه وسـواج يشهـد نهـارهوالحفر والعصـلا علـى مسمعنـاه
وادن يحـد مهايفـات الصـبـارهورضوان واللي مايلاتن فـي يايـاه
وسود الجبال اللي شمالـن ستـارهتشهد بفعلـن نسمعـه مـا لحقنـاه
ويم رغبه شرقي جنوب الخضـارهمن ضرب ابن هندي زبون المخلاه
تسعيـن لحيـة خليـت فالمعـارهيوم العويـن ادوع الـدار باسمـاه
صارت لهم روس المناعير شـارهفي نجد لين انه من القـوم صفـاه
شيخن ليا شبوا هل الحـرب نـارهيشب نارن تحتمـي اللـي حـوالاه
وهذال اخو هملا زبـون الخسـارهوشبيب والهيضل وناصر وشـرواه
وابا العلا خيـال شـورن صغـارهنبت الحيا لو هو ورى القوم ترعاه
وخزام والجامـع رجـال الوقـارهمن ضربهم حـد السلايـل مـرواه
ريف الشجيع اللـي جـواده تبـارالجالهـم عنـد التوالـي مـنـاداه
لابـد اللـي ضاريـن بالسـبـارهفي راس مرقابـن طويلـن معـداه
وشاف الجموع ولاف كبده حـرارهونادى لجمعن في وعـده يتحـراه
قبـل الطمايـع كبـدوه الخسـارهبرقا على كبـده يحطـون عرقـاه
وفي نجد يومـن مجنتـن عصـارهكم شيخ قومن منـه بيتـه شلعنـاه
ماهيـب بالحيـلات ولا بـصـارهوضح النقا المجرود محدن غدرنـاه
مسلط ليا قالوا هـل الخيـل غـارهشيخن تعشي حايـم الطيـر يمنـاه
وزريب يوم الدار شـدد حصـارهرد البرا واللي حمـى نجـد جـلاه
والضيط يوم الجمع جالـه كـرارهوابن محيا اللـي تـورخ سجايـاه
يكفى كلام اللي حضر فـي نهـارهبرغش بدع قافن من الشعـر غنـاه
عن شبرهم تقصر طـوال الشبـارهويفرح بهـم شونـن عقيـده تقفـاه
وبخيـت وشليويـح نمـر النمـارهمورخـن فعلـه قصيـده وشلافـاه
وقشعان والشغـار وخـوان سـارهفكاكـة التالـي نهـار المـثـاراه
والحفر تشهـد للزلامـي حـرارهوتشهد عليه النايفـه مـن حجايـاه
خلا جمـوع القـوم تكثـر فـرارهومن مات منهم ذيب زبنـه تعشـاه
واللي طريحـه مايضـم الجبـارهابو خشيـم اللـي كبـارن وهايـاه
وليا اعتزوا والراي طـول حـوارهفاجـر فناجيـل العـدا ماتـعـداه
وشليل لين جاء اللي يبـا رد ثـارهيفرح به اللي حزة الضيـق ينخـاه
وليـا لبـس خيـال قومـن وزارهلأبو سنون وللوبـا صيـن مـدلاه
غير الظفر للهوش فيهـم شطـارهونعمن ليا وصل العدد تـوم وحفـاه
يكفى من الفعل الكثيـر اختصـارهواللي بقافه ذيب ابا الفوس وصـاه
واثنين فيهم مـع ظفرهـم نعـارهليا جاء نهارن يوصل العلم قصيـاه
ابن زيد والعصاي والعلـم اشـارهفرّيس نمرن ماتعـرف المجاجـاه
قلته وقـول الصـج مافيـه عـارهوالكذب عيب ومن بغا الكذب يلقـاه
والهرج يكفى عن طويلـه قصـارهوالقاف شـاب وفعلهـم ماحصينـاه
ألد روق اهـل العطـف والامـارهمافيـه نقبـل صلـح ولا مسـاواه
كم بارقن جانـا وحصـل دمـارهوتزهبت شهـب الحنـادي جثايـاه
وكم بارقن جانـا وحصـل دمـارهوبرقا خذو خيلـه ساقـوا مطايـاه
وكم بارقن جانـا وحصـل دمـارهوكم بارقـن منـا عليهـم نشرنـاه
في ماقفن كن الرصـاص انفجـارهرعـاد وسـمٍ تقـافـت عشـايـاه
بالسيـف واللـي ماتغيـر عيـارهيامـا قتـل منـا ويـمـا قتلـنـاه
يمـا شربنـا فيـه حلـو ومـرارهخضنا المعارك فيه ليـن امتلاكنـاه
ربعن على الطاله تسـوق البشـارهحنا عتيبـه نوصـل العلـم منهـاه
في سلمنا ما يلحـق الجـار بـارهيدلـه بجانبنـا وينسـى دنـايـاه
ماقـط باتـوا ماتعشـوا صغـارهولا قط جاله لازمـن مـا قضينـاه
ما يشتكي ورعـه خطانـا وعـارهوخطاه لـو انـه ثقيـل احتملنـاه
يبقى رفيع الراس في ضف جـارهوليا رحل ممـا نحوشـه عطينـاه
ولدخيلنـا فـي سلمنـا واعتبـارهعـامٍ وشهريـن عليهـم فرضنـاه
ايضـا وقابـل للزيـاده قــرارهوما تسامح طالـب الديـن زدنـاه
لو حاولـوا ديانتـه فـي حصـارهلا لجـا بوجيهنـا ماحـدن جــاه
وليا حمسنـا البـن زدنـا بهـارهمع مرحبا للضيـف لـو معرفنـاه
نعطيه ماجـوب الكـرم والزيـارهونجعله الحايل من البل ثمـن شـاه
ما ناخذ السلم الشريـف استعـارهسلمـن لهلنـا الاوليـن ورثـنـاه
ولا ننظر العالـم بعيـن احتقـارهوليـا بلينـا رب موسـى طلبنـاه
وليـا نوتنـا غزوتـن بانكسـارهكم غزو قومن فالملاقـى كسرنـاه
البني من ساسـه عـزازة جـدارهبرقا وروق وكـل ماقـف ذكرنـاه
ياما رمـوا لمجوعـات الجحـارهمن راس شيخن تورد السيف يمنـاه
ليا دق حـراب المعـادي انطـارهتصبـح قلايعهـم مهـارن مغـذاه
غير السطل والحوش فيهـم مهـارهروقي وبرقاوي بني عـم وعّـزاه
اللـي يواعدنـا نـزوره بــدارهيصبح عليه الجمع تـردم سرايـاه
جمعن على فـك التوالـي شعـارهحنا عتيبه وأزيـن الـدار اخذنـاه
فيهـا نزلنـا وانتشرنـا انتشـارهوالعد لو ان جوه مخيفـن وردنـاه
علـى مواردهـا مسكنـا خفـارهجمعن يصبحنـا وجمعـن هجدنـاه
ملحق قبايـل نجـد فيهـا عيـارهلكن اعـد الموقـف اللـي وقفنـاه
اعلونا بالحجـز واقصـى حـرارهوشرقينا العارض بغربـي قرايـاه
مثناة نجد اللـي تصاهـل مهـارهزحنا قبايـل نجـد عنـه ونزلنـاه
ما ملكنـا بلهـا سلـف واستعـارهبالسيف اخذناهـا وشلفـن محنـاه
مضرابهـا زرنـح مــع ازرارهمنها طويل الامـن تدنـي منايـاه
عنهـا نفـد القـوم فـد النـمـارهلين اصبحت مثل الجزور المجـزاه
وكلـن بقسمـه قـام يبـدع بيـارهوالحكم غيم وما دخل فيـه غطـاه
ضفى عليـه الصيرمـي الستـارهعبدالعزيز اللي عسى الخلد مـاواه
وفيه حكم بالشرع واصـدر قـرارهوغيم الجهل نور الشريعـه تجـلاه





قصيده في مدح الشيخ تركي بن عمر بن ربيعان





يالله المعبود يامنشـى السحايـبيـا الـه كـل الامـه تلتجيـبـه
ياعزيز الجـاه عـلام الغوايـبمن دعاك ادعات مخلص تستجيبه
تاصل الطيب وقضـاي النوايـبوالردي تقطع من الجبعه نصيبـه
في حياتـه ذوقـه مـر الغلايـبوفي مماته جعل رحمتك تعذيبـه
الرجال اصناف والدنيا عجايـبوالعلوم اطـوال القصـه غريبـه
واللـوازم عرفتنـا كـل خايـبوعرفتنا وقفـت الطيـب وطيبـه
والفخر للي ليا جـات الصعايـبما يصد وفعـل غيـره يستنيبـه
مثل تركي ذخر حماي الركايـبشيخنا اللـي فالمواقـف نعتزيبـه
شيخ روق عمر حـلال النشايـبيطلق المسجون ويفلـش صليبـه
حاضرن ذكره لو ان الراس غايبمثل نجم سهيل كلـن يقتـدي بـه
من شبابه لين مات العام شايـبكـل شيخـان القبايـل تلتجيبـه
ويوم مات معقبن عطب الضرايبتركي اللـي للخفيفـه والصعيبـه
مثل ضلعن ماتزعزعـه الهبايـبوالحجا يامن به اللي يحتجي بـه
مزبن المضيوم تنصـاه النجايـبمن حداه الوقت نصـاه النجيبـه
مزبنن للطيبين عـن المصايـبنايد الاجنـاب ولا مـن عتيبـه
من بلي بمصيبـةٍ ولهـا سبايـبعنّد ولا جتبها القـدره غصيبـه
اجنبي ولا مـن الربـع القرايـبيزبنه عند اللـزوم وينتخـي بـه
تركى اللي لو شري بالدم رايـبنصرت المظلوم من فعله وطيبـه
ماص مفراص يخلص صلب ذايبالصخور تذوب منهـو لا تذيبـه
معدنه فـولاذ وفعولـه غرايـبذخر شيخانٍ مضاربهـم عطيبـه
كم جريح وكم قتيل وكم صوايـبوكم شعيبن قد شبع طيره وذيبـه
من يدين مروية عـدل الذرايـبجب شلفا بسرة القلب تغـدي بـه
مثل معتق وانشدوا هاك الجذايـبوغيرها اللي في طلال وفي شعيبه
يوم جاء للملـح دخـان ولهايـبثم ساقوا بالجمـل سـاد الذويبـه
وقعتن تودع سواد الراس شايـبوالمنع مرفوع مازولن يحكي بـه





وكذلك قصيده في الشيخ سلطان بن جهجاه بن حميد رحمه الله





هات القلـم واكتـب جديـد التماثيـلمثايلـن يطربهـا الـلـي قـراهـا
تطربلهـا روسـن تحـب المفاعيـلوتزعلبها روسـن قصـر مستواهـا
جزلات عذياتن مـن القـول والقيـلومن منطـق الكلمـة يبيـن معناهـا
الشـرح كافـي والمعانـي دواليـلولا كل مـن حـاز الطويلـه رقاهـا
شكون على اللـي للمهمـات حلحيـلحـلاّل صعباتـن تصعـب قضاهـا
حـلاّل صعبـات القضايـا المفاتيـللـدارت البلـوى ركبـت رحـاهـا
سلطان ابن جهجاه منصى الرياجيـلذخر الرجـال اللـي يـذري ذراهـا
شيوخن حمو نص الجزيرة على الخيليوم الرمـاح بكـف جـده عصاهـا
ليا اعتزوا بالعزوه اللي لهـا صيـلالمقبـلات اقفـت تقـادح حـذاهـا
ليقال ابن هندي وسمعوا هـل الخيـلكلن نشد عـن سابقـه وش وراهـا
يبغى نجاته قبـل قصـف المحابيـلوالطامعين اغلـى الطمايـع نساهـا
فكاكة التالـي ليـا غطـرس الليـلولا كثـر بأسمـى القبايـل نخاهـا
لا حل بأطـراف الصبايـا محاويـلألهـم زحـول القـوم ترفـع ايداهـا
ليا راح ضرب الماس مثل الهماليـلوالعج والبـارود الاشهـب غطاهـا
فـي ساعتـن بعقـول اهلهـا ……ستر الصبايـا ليـا تجلـى غطاهـا
ترعابهم فالخـوف عـرب الاباهيـلوتاصل بهم سهـب العشايـر مناهـا
امارتن من جيـل ورث بهـا جيـلعـز القصيـر وحربتـن لقبـلاهـا
مهيب امارة ختـم هـرج ودهاويـلشيوخن على اولهـا بعيـدن مداهـا
منزالهـم فـي عاليـات المنـازيـلتشهد لهم ضلعـان نجـد وحصاهـا
وألهم على الدار المخيفـه مصاويـليوم الحمى بالسيـف باجـوا حماهـا
هم مقـدم الهيـلا حيـاض المناهيـليقدون بقدا نمـرٍ للحريـب مغزاهـا
نمـرٍ إلهـا دار المخافـه مداهـيـلفـي ساعتـن رد البـرا لحلفـاهـا
خلت زعيم القـوم ينسـى المقاييـليمسـى بـدار ودار يصبـح وراهـا
ربعن على طرح المجـوف مغاليـلشيخان قومـن مـا ضامـد خلاهـا
عتيبـه اللـي فالمباطـح نواجـيـلوعلى ظهور الخيـل تكعـم عداهـا
فالارض ابن هندي وفالكوكب سهيـلذكر الرجـال ونجمهـا فـي سماهـا
اقولهـا ياشيـخ واشكيلـك المـيـلسـود الليالـي بينـت لـي جفاهـا
لاحظت من نظرة زمنهـا الغرابيـلمـن وجههـا ولا عطتنـا قفـاهـا
دنيا علـى غلـب النشامـا معاجيـلولا ضعوف النـاس ريفـن علاهـا
وما وقفـت بقاسـي الفكـر والحيـلولا السبـاع الدقـم صرنـا عشاهـا
ياشيخ تكفيـك المعانـي مـن القيـلوباقـي معانيهـا علـى الله قضاهـا
خلاق محيي ميـت القشـع بالسيـلمجري سفينة نوح فـي مـوج ماهـا




في مدح الشيخ تركي بن محيا






يالله يـا خالـق العـالـم ورازقـهـاياعالم الغيـب يـارب السمـا العالـي
تحفظ إلنا اللـي ليـا ثقلـت علايقهـايرسيلها مثـل مـا يرسـى الاقثالـي
شيـخٍ يـضـم القبيـلـه مايفرقـهـاتركي ليا طال حبل المرجلـه طالـي
لـو ترتفـع للعـلا يمنـاه تلحقـهـاوان حولت له على الجزلات محوالـي
قلتـه والاجـواد تعـرف طرايقـهـاولا كل منهـو يفـل البشـت رجالـي
بالشكـل واحـد لكـن الله مفرقـهـاللطيـب الطيـب والنذلـه للانـذالـي
والنـاس بأفعالهـا تعـرف معامقهـاوليا جهلت الرجـال انظـر للافعالـي
لا تستمـع فالهـروج مـن ينسقـهـاولا تنخدع بالهـدوم وكثـر الاموالـي
الطيبـه عـان ابـو متعـب يسوقهـاما حط واحدن رخيص واحدن غالـي
ريف القبيلة ليـا جـاء مـن يشققهـاذرى عن البرد وظلالٍ عـن الصالـي
كن المشـاوط علـى بابـه محارقهـاللي يجي العصر ولا يجي العشا التالي
النـار تشعـم وحيـلٍ فـي معالقهـاشيخٍ ولـد شيـخ للشجعـان مدهالـي
جـزل المفاعيـل عاشقتـه وعاشقهـاماحط له بيع شاش الضعـف مقيالـي
تشهد له الناس واسمـع قـول ناطقهـاياجاهلـن بالفعـول جـزال وهزالـي
سربة محـاي ليـا شـرت بوارقهـاترعا بهم فالمخافـه عـرب الابهالـي
ترعـا بهـم درب نـدر لاح بارقهـالو كان ما نـوش ولا ماقعـن خالـي
تصريحـه السيـف والعانـي بنادقهـاشيخان نمـرن لهـا رنـه وزلزالـي
شـوخٍ تعـز الرفيـق اللـي يرافقهـاوشرٍ على من نـوه بحـرب وقتالـي
بالفعل تشهـد لهـم نجـد ومناطقهـاومعتق والانصر وبرغش قال ماقالـي
الشمـري بالمثايـل قـال صادقـهـاقولن على فعـل تاريخـن للاجيالـي
قلـب الجزيـرة ومغربهـا ومشرقهـاوشالح رثى ذيب حي وقـال الامثالـي
يقـول خيـل المحـيـا ومتطرقـهـاومما ذكر والعلـوم قصـار وطوالـي
متروك ذيب السرب والخيـل يطلقهـاوتركي وديع الركاب مع اشهب اللالي
ليـا تغيـر وبرهـا مـن معارقـهـاياما اشبع الذيب من رجلـي وخيالـي
وعفاس بالفعـل تشهـد لـه خلايقهـامخلي سروج الرمك من روس الاشبالي
كم شيخ قـومٍ نهـار الكـون فارقهـاحطت عليه السبـاع العـرج مدهالـي
بمصقلـن ينسـف الـروس بمعانقهـاولا بشلفـا تخلـي الــدم وشـالـي
شوخٍ علـى فعلهـا تشهـد سوابقهـالو غاب الاول نـزل منازلـه التالـي
مهيـب كلمـة يقـال انـي ملفقـهـاالفعل يعرف وهـرج الصـج ينقالـي
إلي الشرف يوم اعبـر عـن حقايقهـاوتركي هذا ريف من هو رده الجالـي
الطيبـه مــن فعـولـه ومتفوقـهـايعطـي العطايـا ولصعبـات حلالـي
حــلال فـتـال والقـالـه يغلقـهـاعمل الذهب ماخلطها قـرش وريالـي
لكبود مثـل العسـل وكبـود يحرقهـازيزوم جزل الفعـول خفـاف وثقالـي
قلتـه ولـي غايـةٍ جعلـه يحققـهـاجيبٍ من اللي ورد في عامنـا التالـي
اوراق جمرك رقومـه محـد طبقهـايبرد لهيب الضمير مع الخـلا الخالـي
ابا اسهجه مع عـذا نجـد ورقارقهـاامشي مع البـدو كـود الهـم ينزالـي




قصيده غزليه






واصاحبي دونه من الشـط غبّـه
غبّات وأمـواج ٍ تكيـد السفينـه
دونه محيـطٍ كوّنـه حكـم ربـه
ما حدّدو طول المـدى غايصينـه
كم قاربٍ هـاز العبـور وقلبـه
وكم ضاع به من صافيات المكينه
في نجد وأنا فـي ديـار المسبـه
دارٍ عجزت أعرف لهلها رطينـه
دارٍ عسـى صـم القنابـل تدبـه
تحرق علو أرضه وتظهر دفينـه
دار الهنود اللـي مبـاه ولاحبـه
حيث الشريف اللي يجيها تهينـه
فيها يعيش اللي نسي خوف ربـه
خطو البهيم اللي تهـاون بدينـه
نذل ٍ لقى الحوض الحرام وشربه
قطع اليديـن ولا حيـاة الغبينـه
يمشي على راسه من العيب قبـه
تبّاع عبّـاد البقـر فـي عرينـه
متى بـراي الله نـروح ونكبـه
وأشوف من عيني تبي شوف عينه
لو هو بعيد الـدار قلبـي يحبـه
وروحي عليه من المحبه حزينـه
خشفٍ سلب قلبي غـلاه ولعبـه
لعبة سلوك الوتـر مـع لاعبينـه
زند الغـلا فيّـه قدحبـه وشبـه
وطحن ودقـق بالمحبـه طحينـه
بعده مرض قلبـي ولامـاه طبـه
وعليه قلبي بـاح خافـي كنينـه
وجدي عليهم وجد من ماه صبـه
علـى بـذور ٍ مشتراهـا بدينـه
في خانة المليـون سمـه وحبـه
غير النقود ومـا تحوشـه يدينـه
وبعد استتم الزرع وهـوه تعبـه
خيّل عليه اللـي حقـاقٍ غشينـه
وأخذ عليه السيل ربعـه وغبـه
لين اختلط حبـه وتبنـه وطينـه
وعوّد وحظّـه فالمجالـس يسبـه
يطـق كـف بكـف لمعذليـنـه
على الذي حـي ٍ وميـت بحبـه
الوصف كامل والمذاهب حصينـه
لا عاري ٍ عوده ولاهـوب دبـه
معـزلٍ تزهـا البناجـر يدينـه
مناحرة صـدر ومحاجـر ولبـه
وليا عرض خصر ٍ يهلّك جنينـه
خشفٍ عذا نجـد العذيـه مربـه
غربٍ من الدمام شـرق المدينـه
فـي قريـةٍ مابيـن وادي وتَبَّـه
أربع حروف الاسم يـا عارفينـه
للي قـرا بـأي الكتـاب وكتبـه
اسمه بحرف من اسم هاك المدينه





قصيدة غزلية يوجهها للشاعرغازي بن جري .. ولكن للأسف لا يحضرني الآن رد الشاعر غازي بن جري






الله مـن حـبٍ تكـنـه ضلـوعـي
حتـى تـوزع فالشراييـن توزيـع
عليك يـا زاهـي ثـلاث الردوعـي
أعوي عوا ذيب ٍ وقفله علـى ريـع
ذيب ٍ يجر الصوت من عقب جوعي
وياخذ مع البيـدا هذيـب ومذاويـع
جايع ولا حوله مـن النـزل دوعـي
ويجر له صوت ٍ يشيـب المراضيـع
وعليك من بين الحواجـب دموعـي
هجّـال وسمـيٍ امزونـه مصاليـع
قطعـت فيّـه يالغـزال القطـوعـي
أشريك وأنت تبيعني بأرخص البيـع
وعذبت قلبي يـا حسيـن الطبوعـي
وحبك شربته مـع نسيـم الذعاذيـع
ما ارخي لهرج الناس دونك سموعي
لو عذّلوني عنك لااسمـع ولا اطيـع
ليا غـاب عنّـي ليلـة ٍ بالسبوعـي
كنّه تمـزّع بشـرة القلـب تمزيـع
ما عـاد أفـرّق سبتهـا والربوعـي
يصيبني سجّه عن الـدرب وأضيـع
خشف ٍ معي ياللهوا طـار شوعـي
وخلاّ لذيـذ النـوم عنـدي تقاطيـع
إليـا ذكرتـه والخلايـق هجوعـي
أفـز فـزّة غافـيٍ عقـب ترويـع
للبيض نوع ولشقر الـراس نوعـي
زين الوصوف وكامـلات التطابيـع
من جفّـل الغـزلان فيهـا ربوعـي
وفيها وصوف من الحرار المواقيـع
لا هو متيـن ولا قصيـر الدروعـي
ولا هي من الحدب الطوال النعانيـع
ولا هو نحيـف ولا بمشيـه يتوعـي
عليه وصـف مجـدّلات المصاريـع
يابن جري قلبي معه صـار طوعـي
وشرّع له أبواب الهوا الخمس تشريع
واحد منـه قلبـي تقـول مخلوعـي
كنّه ينشعنـي مـن الخمـر تنشيـع
وثاني بقى نومي على راس كوعـي
أفتـح مشاريـع ٍ وأقفـل مشاريـع
في غبة ٍ تغـرق طويـل البتوعـي
يصعب على من طب فيها المطاليـع
وثالث بديت وعنه صعب ٍ رجوعـي
يابن جري تصعب علـيّ المراجيـع
ورابع بقى وقتي نـزول وطلوعـي
يضرب بي الهاجس وساع المخاويـع
وخامس ملك مـا يملكنّـه ضلوعـي
لا هوب لا سلفه ولا هـوب توديـع
ولا هوب غصب ولا رضايه وطوعي
الحـب قسمـه والمناهـج تنـاويـع
هـذا الخبـر والله عليـه السنوعـي
وأبغى الحلول من الرجـال البواتيـع
اللي على الصعبات مثـل الدروعـي
رحامـة ٍ وقـت القطاعـة قواطيـع
اللـي مواقفهـم سـواة الرجـوعـي
مودع هشيم القاع خضـر ٍ مهانيـع
وأخص فيها اللي له العسر طوعـي
غازي له العسـرات دايـم مطاويـع
رفيقي اللـي فـيّ دايـم جزوعـي
ياجب لي أشرحله جميع المواضيـع
عسـاه يلقـا حـل بأيـات نوعـي
وألاّ يقنعنـي عـن الحـب تقنـيـع




قال شاعرنا وهو في الهند عندما صادفه عيد الاضحى وتذكر عوايد وعادات نجد العزيزة





العيد يلي ترفـع الصـوت بالعيـدعانـه بنجـد الله علينـا يعـيـده
عيدن مع الربع الحشاما الصناديـدوذبح الضحايا والهـدوم الجديـدة
مهـوب عيـد مغيريـن التقاليـدعبـادة الاصنـام فـوق الجريـده
هندي وهندوسي يقوسن عساريـدعسى لهم ماعـاد يبقـى شريـده
عسالهم من دولة الصيـن تهديـدذريتـن عامـر بلدهـم تبـيـده
تجمد انهاره من الاشعـاع تجميـدساعة لينـه رايحـن فـي وقيـده
لحيث فيه العيد ماشفت انـا عيـدقولي يا ذاعـه واكتبـي ياجريـده
قولي مـا قـال العتيبـي بترديـدمبروك عيد اهل الديـار البعيـده
مبروك عيد المملكـة علـم تأكيـدالاولى كلمـة والاخـرى قصيـدة
دار الشهامه والشرف والاجاويـدألـي بهـا سنـة محمـد جديـدة
مهبط وحي شيد به البيـت تشييـدمجري سفينة نوح خالـق عبيـدة
ربٍ مشرفها على جملـة البيـضطهر مشاربهـا وطهـر صعيـده
عسى عليها السيل يمطـر تراديـديحيي شجرها اللي يبـاسٍ هميـده
دارٍ ورثناها مـن الجـدّ والجيـديـومٍ كـل وقفتـه مـع عضيـده
فيهـا رعانـا بالبكـار الملاهيـدوسرد المهار مكاضمات الحديـده
ننزل على راع الوعـد بالمواعيـديصيدنـا ولا المنـايـا تصـيـده
ربعي عتيبه مـن خيـار الاواليـدعلى ظهور الخيـل روسٍ عنيـده
نصدر ونارد في نهـار المواريـدنشرب ونزي اعدنـا مـن نكيـده
قومن نصبحهـا وقومـن مهاجيـدوقومـن نقابلهـا نهـار الوعيـده
وفيهـا نزلنـا والقبايـل عراجيـدلثـوّر البـارق قــداه العقـيـده
وبالسيف اخذناها وحمر العباريـدما سنـد العـارض لحـد اللبيـده
من الجنوب حدودنا الهضب وتزيدومن الشمال ليا العساكـر وعيـده
وفيها اقتسمنا يـوم جينـا معاويـديومٍ كلـن فعـل ربعـه رصيـده
رصيدنا مرضى امهات المفاريـدفوسط نجد مـن المرابـي وحيـده
عنها القبايل مـن وحمنـا ملابيـدعيا عليهـا شيخنـا مـن حديـده
جذعان اخذنا بأملح السيف تمجيـدومن نجد اخذنا مثل اهلها بجيـده
نرعاه بأقطاعـن عليـه العواميـدفالصيف ولا فـي مواسـم جليـده
وسم الجذع بأرقاب قطم العماريـدمن اليميـن وكـل يمنـن حميـده
نخض بـه نجـد العذيـه تراديـدونرعى به اصنافن نواتـه جديـده
وسمن يعرفونه هل السيـد والبيـدقحطان ومطيـر وقبايـل عديـده
في ضف ربعن ينقلـون البواريـدمروين جـب مصقلاتـن حديـده
وليا تناطحنـا بخطـو الجراهيـدامـا طرحنـا الشيـخ ولا جنيـده
من ضرب سيف زريب يقف اكاديدراع الحصان اللي فعولـه وكيـده
شـوخٍ تمجـده المفاعيـل تمجيـدابـن رشيـد كلمتـه مـع اقعيـده
محمـد العبـدالله الشيـخ وعبيـدعن شوخنا عدو افعولـن عديـده
فعلن يعز الروس كيدٍ لهـل الكيـدلو طالت ايامـه جديـدن بريـده
وتشهد لنا صم الجبـال المحاييـدوما قال ابن ماعز بحرف القصيده
واقول عدة العيد يـا معيـد العيـدالله علينـا فـي بلـدنـا يعـيـده





رائعه من روائع شقير في مدح عتيبه






شيٍ لقلبـي صـار فـرضٍ وسنـهوهني من هو دالهن عنـه مشقـاه
حـيٍ مداهيـل الـزمـن فرقـنـهاحدٍ نحـى وأحـدٍ تقافـت مطايـاه
احـدٍ مصالـح وقتـنـا غربـنـهواحـدٍ لـه الايـام دنـت منايـاه
من مات منهم قلـت مثـواه جنـهوالحي ياالله تجمـع الشمـل ويـاه
حـيٍ بكيتـه والمـنـازل بكـنـهتبكي المنـازل والبيـار المطـواه
عـدٍ مـن اول بوشهـم يـاردنـهواليوم منهـم كـن مارايـدٍ جـاه
العـدٍ مرمـس والهبايـب عفـنـهومقطانهم ذاري العواصيف تـذراه
وين البيوت اللـي ليـا سـد عنـهمقاطـرٍ مثـل الحيـال المبـنـاه
ينومـسـن الـعـدٍ ويونـسـنـهبحوث النجوم اللي تنـادى منـاداه
كلٍ ليا صلـى مـع الصبـح فنـهيـدن نجـره دنتـيـن أمـهـواه
ليا شب نـاره جـاب هيلـه وبنـهوقدم لهن رسلان خمـره ومصفـاه
ومرسالهم من نغمـة النجـر دنـهوكلن يسج لبيت الاخر ليـا وحـاه
في مجلـسٍ مافيـه غيبـه وضنـهرفقة شرف ماهيب رفقة مضاهـاه
جزليـن مافيهـم ضعافـه ولـنـهالبيـوت لاهـل الشكالـه مبـنـاه
تلقى الشحـم للضيـف مرباعهنـهونارٍ تـدل اللـي تضيـع أمسـراه
والطرش جايله علـى العـدٍ رنـهتشرب ازلاله عقب تشرب سريـاه
يازين فـوق الحـاض بارقابهنـهوسم العمود اللي عليهـن وسمنـاه
باخدودهـن يـازيـن ولّحيهـنـهاللاحـي اللـي للجـذع مافردنـاه
من اليميـن عـن الغلـط يحملنـهوسـمٍ لهلنـا الاولـيـن ورثـنـاه
جذعان ونجنـج علـى نجـد كنـهياما رعو مـن دار خـوفٍ معـذاه
في راي شيـخٍ والسـرب يتبعنـهيمشي السلف قدام والخيـل تبـراه
سرد المهـار مكاظمـات الاعنـهاصايـلٍ مـن درّ عـرّبٍ مغـذاه
عن نجد ابن هادي محمـد حدنـهوهو من اول كـان ياخـذ جزيـاه
شيخ قحطان اللي جموعـه حمنـهحـامٍ كروانـه وحامـن حبـاراه
علـيـه ردن الـبـرا وطـردنـهلين اتقى بالعرض واقصى قرايـاه
من ما صفـت واد الرشـا شددنـهواقفى عنه بالقلب الابيـض وخـلاه
والعشـب عقبـه فالمسايـا رعنـهترعـا رعايانـا مفالـي رعايـاه
فعلن على وضـح النقـا وضحنـهايــام ردات الـبـرا للمـلاقـاه
ودي بتوضيحـه لمـن يجهلـنـهرد البـرا والعانـي اللـي رفعنـاه
زريـب رداد البـرا شيـخ هنـهشيخٍ برز في نجـد فعلـه بشلفـاه
ومن فعل اهلهـن ورخـن فعلهـنفي صفحة التاريـخ للنـاس تقـراه
تاريـخ فعـل اجدادنـا ورخـنـهخيلٍ تحت فرسـان نمـرٍ مضـراه
كم شيـخ قومـن للضرايـا رمنـهشقت عليه مـورد الجيـب عـذراه
وصاهود ابن لامي نهـار ألحقنـهخلـى رديفـه للضرايـا تعـشـاه
ومنهـم قلعنـا الخيـل بأرسانهنـهواللي سرى منهم على سبت رجلاه
وتـعـاودن الخـلـج لعيالهـنـهوردوا صغار الشول يرجع لمفـلاه
ومثلثـه والشعـب مابيـن هـنـهيوم اغدده كلن سمع عنـه ووحـاه
يومٍ بـه الجبعـا الاميـر ايسرنـهفي ماقفٍ مـاش الهنـادي هدايـاه
جانـا يجـر جمـوع قـومٍ مرّنـهيبغى دبشنا ميـر جيشـه قلاعنـاه
ستيـن عـدّ الجيـش بحسابهـنـهاللي معه عقب الملاقـا استظفنـاه
وشهودها من خوف شكـه وضنـهغب النكوفه شاعـر القـوم غنـاه
وغيـره ومثلـه وقعـةٍ يشهـدنـهيشهد به البتـري وكبشـان وغثـاه
يـومٍ انتوتهـم غـزوةٍ مستكـنـهمن عصر لين الليل خرمس بغدراه
وصالوا يبون البل وجـاء دونهنـهليلٍ على العدوان كثـرت رزايـاه
يوم اقطعوا تـال الدبـش واطلبنـهبالعزوه اللي فأول الجيـش واتـلاه
خلن ابن درويـش يختـب ضنـهينسى الطمع واللي يناديـه ينسـاه
فـي ليلـةٍ فيهـا هجـد وهجدنـهوثامر رجع ذوده بعد سيـق فتـلاه
وبأيمن جبل سـواج يـوم انقضنـهفالمعركه صارت على القوم ماسـاه
وحباب هاك اليـوم زيـزوم هنـهوعلق صواب والي العرش ناجـاه
وفي معتلجهن شيخ حرب اجدعنـهاللي رماه بسيلـة الـدرج مخطـاه
ومن طاح منهم بالحوافـر وطنـهخلـي لعكفـان المخالـب تهـاواه
وغنـام يـوم الخيـل ذوده شعنـهابـن رشيـد اللـي يبـذ المناحـاه
بالفك عقـب أيـس منـه بشرنـهفكه علي واللي حضر مـن دنايـاه
بحد السيـوف المرهفـات احتمنـهكم ابلجٍ قد املـح السيـف علبـاه
بالغصب مأرد انـا بطلبـه ومنـهجذعان وقت الحرب عرّيف وعصاه
جمـعٍ يسوقنـه وجمـعٍ انطحنـهوجمعٍ شبع سبع الخلا مـن جثايـاه
وبيسـر جبـل سلمـا مركاضهنـهمثقال طايـح والسناعيـس تنعـاه
تنعـاه شمـر والـعـذارا نعـنـهمن ضرب شيخٍ تورد السيف يمنـاه
غازي عسى قبـره ذعاذيـع جنـهشيـخٍ يشرفنـا مجالـه وطريـاه
الطـايـلات ايمانـهـم يكسبـنـهشيخـان نمـرٍ يلحقـون المخـلاه
ويوم الطـراد للسـلاف احضبنـهالجوخ مـن بـدّ القبايـل لبسنـاه
مسلط رمى الجوخه على عيدهنـهعيد النضا اللي مع مخافه ومضماه
ووقف بها ليـن الجمـوع عرفنـهونادى بصوتٍ كل من سمعه اوحاه
وقاموا وقاموا بصج مافيـه ضنـهوالجمع من هاك النطاطح حزمنـاه
الرسم من هـاك النهـار ارسمنـهولو الدير تملـك بالاسمـى ملكنـاه
ودواس عكفـان المخالـب كلـنـهرد النقا في ثارنـا اللـي قضينـاه
بحد السيـوف المرهفـات اشلعنـهأحدٍ قطع راسه واحـدٍ راح بيـداه
ونادى المثاري والجبـال اسمعنـهفي ثارنا ما نقبل الصلـح والجـاه
هـاذي فعـول اجدادنـا واكتبنـهياصحف خوف يطول وقته وننسـاه
لنا الفخر بأفعالهـم فعـل واعلننـهفعلٍ على وضـح النقـا ماسرقنـاه
وهذا الهوى للي هل الطيـب فنـهوالـلاش حـي وميـتٍ مافقـدنـاه
الـلاش ماقـط اللـوازم نصـنـهوليـا حسبنـا اللازمـه ماحسبنـاه
ويامطلـق السنـه بقـت مستكنـهوالسـاس جـذره ماتغيـر بمبنـاه
ان شحّن ايام الرخـى وان عطنـههجرة رخى والذيب فلى مع الشـاه
وقولوا لابن فيصل ان ما صرحنـهابيات عن عـوج المعانـي منقـاه
نقيـت معناهـن وضحـت هـنـهوتمت بذكر اللي حجر مكه ارسـاه




قالها شاعرنا وهو في زيارة لمصر مرافق له مريض وتذكر نجد وقبيلته عتيبه






اليـوم انـا قلبـي علـى خـف وجنـاحمـا عـاد يبغـى مصـر شطـه ونيلـه
حتيـش لـو يطلـع بمنـجـى وتـفـاحوحتيـش لـو فيـه العمـايـر طويـلـه
دارٍ ابهـا المشهـور مصـري وفــلاحمـا حـدٍ يعـد اصلـه ولا لـه قبيـلـه
ربـعٍ تضيـف ضيفهـا رجـل وجنـاحواطيبهـم اللـي جـاب ديــكٍ يشيـلـه
اشتالـه البـركـان والصـبـح منـبـاحوعـوض مبانيـهـا الرفيـعـه نثيـلـه
ويصبح صحن صاحي من النزل صحصاحوينجابـه اللـي خالقـة يعتـنـي لــه
ينجابـه اللـي فيـه يأمـر بـالاصـلاحومـن لايخـاف الله عسـى الله يزيـلـه
دارٍ انساهـا لبسهـا شــرب وشـبـاحوالـلـي يحاكيـهـا تـقـف وتحكيـلـه
يمشـن والاسـلاب مـن قــدم فـتـاحوانــا دخـيـل الله منـجـي دخيـلـه
ماجيـت لـه ياسيـد البيـض ســواحولـولاك والله يـا الغـضـي ماعنيـلـه
ولو قلـت لـك مرتـاح مانـي بمرتـاحيعلـم بـه اللـي كــل هــمٍ يزيـلـه
وصبرت لاجـل دواك ياضبـي الابـراحهـذي مـن السـفـره ثلاثـيـن ليـلـه
اقعد من المغـرب ليـا نـور الاصبـاحالقلـب كنـه فـوق حـامـي المليـلـه
قلبـي قفـل ولـه الهواجيـس بمفـتـاحليـا صـدر هاجـوس الاخـر يجيـلـه
صبرت صبر ايـوب ليـن الصبـر راحراح الكثـيـر ولا بـقـى الا قلـيـلـه
قلبـي كمـا طيـرٍ دعيـلـه بـمـرواحهـواه نجـد وجلستـي ويــش هيـلـه
وجـداه يـا شمـة ذعاذيـع الاريــاحفـي نجـد غـب مـروحٍ سـال سيلـه
مـن الحجـاز ليـا شـروره والاسيـاحمـا بـه شعـيـبٍ مـاتـدارج مسيـلـه
ديـرة مكسـرة الجنـابـي والارمــاحمـاهـو بــدار مصلحـيـن البليـلـه
دارٍ بهـا عشنـا شريفـيـن وصـحـاحمـا قيـل ذي جربـا وهــذي عليـلـه
يازينهـا لـو عيشهـا صعـب وكـفـاحوياحلوهـا لــو شربـهـا حنضليـلـه
ويامـا حلـى فيهـا ولـد بـاش سـراحسجـه ومـع بعـض الرجـال تعليـلـه
فـي مجلـسٍ هرجـه سواليـف ومـزاحوالـنـار تشـعـم والمسـيـر يجيـلـه
والكبش جابه من هـل المـرح الاشحـاحمن ضـان ربـاط العصـا فـي صميلـه
وقـال اقلطـوا ياعيـال عـن الشبطـاحورمـى الشـوا بيـن الحطـب والنثيلـه
لا مـن طيـر النبـت غـب النبـا نـاحهـذي طــرات العـمـر والله وكيـلـه
ويازيـن فيهـا جلسـتٍ قبـل الامـراحصـافٍ قمرهـا غـب نــو المخيـلـه
فالعبلـه اللـي رملهـا تـقـل مسـبـاحابيـض كمـا اللولـو والاحمـر مثيـلـه
يعطيـك بألـوانـه تشاكـيـل وألـمـاحمثـل الـخـرز ومشـاركـه دق نيـلـه
ارضٍ عليهـا مشـي الاقــدام يـرتـاحسجـتٍ قـدم بالنعـل ماتحـتـري لــه
ليا ذعـذع الغربـي وريـح النفـل فـاحسقـوى سقـى الله سجـت فيـه ليـلـه
بأطـراف قطعانـن تمرجـح تمـرجـاحترعـى فـالارض قفـرٍ خـلا مولفيلـه
يقهـر لـه المقهـور سرحـه ومـرواحوتكسر علـى صـوت الحـوار وعويلـه
وتـرازمٍ لفـواق مــن ذود مـصـلاحودرهــم بمحـلابـه ونـفـذ شليـلـه
وقرب لهن ماعـون ليـن الرغـو سـاحمــا كـنـه الا بالـوقـايـا يسـيـلـه
اثن البطـون السـداس مجهـم ومضيـاحومـن لا كسبهـن ساعـتـه عزتيـلـه
حتيـش لـو يكسـب ملاييـن الاربـاحتعبـان قـلـب وراس يـومـه وليـلـه
يتـعـب وتاكلـهـا قليلـيـن الافــلاحنـاسٍ تجـي بعـده وتنـسـى جميـلـه
ومرقـد العمـر الفنـا ويــن مــاراحفـراشـه الطـيـن وغـطـاه النثيـلـه
وتطلع ملايكـة العمـل بيـض الالـواحوتخسـر بهـا اعمـال اليديـن البخيلـه
ويخسر بها اللـي يعمـل الجـرم منـزاحتــوه بــدا ولا لـيـالـه طـويـلـه
مثـل البهيـم ليـا شبـع فالحيـا صـاحلمتـلـى بطـنـه تـزايـد صهـيـلـه
وليا غـاب بطنـه صـار للحـق نفـاحمايكـتـب الا الناقـصـه والفشـيـلـه
لاخايـفٍ ربــه ولا طــاع نـصـاحيلعـبـه الشيـطـان بـيـا وسـيـلـه
نـذل يبـى بالجـرم شـهـرة ومــداحيرضـى شياطيـنـه ويـزعـل كفيـلـه
وهذاك حظـه لـو صعـد للعـلا طـاحجـزاه نـار مـا عمـل تحتـري لــه




قصيده قالها الشاعر شقير وتحكي عن واقع هذا الزمن العجيب






يالله يا محيي الشجر عقب الامحـاليارافـع السبـع الشـداد بعمـدهـا
يخالق اجيـالٍ ويـا مفنـي اجيـالياعالـمٍ بغيـب السنيـن بعـددهـا
تنصر هل الطالات ذربيـن الافعـالونبت الردي يامستجيـب اتحصدهـا
وتجعل جهنم منزلـة كـل الانـذالوالطيبيـن لجنـة الخـلـد قـدهـا
الطيبين اجعلهـم صافـي الاعمـالوالخايبين بحشـر الاهـوال زدهـا
قلته وانـا مانـي للاعـراض بكـالومن خاف من روس الرخوم يعبدهـا
مسند على الخايب ولشكي له الحـالاصـد عنـه بخطوتـي واعتمدهـا
لو هو من الادنين يخسـون الانـذالدر الحمـاره دون يكفـي ولـدهـا
النذل ما يقدر مـن الطيـب مثقـالوالخايبه لازم يجـي فـي نصدهـا
ما اتبع ارضاه ولا انخضعله ليا عالنـذلٍ ليـا قـال التوايـع جحـدهـا
اشكي على الطيب ليا ردنـي جـالالـي يحـل القاسيـة مـن عقدهـا
حلاّلهـا فـي حـزة النقـض فتـاللمـد حبـلـه للـمـوارد وردهــا
وانصاه بالـلازم ليـا حدنـي حـالواقفي عن انذال العـرب وابتعدهـا
مانـي بسندهـا علـى كـل رجـالخطو الوجيه اللـي مغيـبٍ سعدهـا
اللي مغار اصوات في صورة ازوالبومٍ قصر عن صوتهـا فعـل يدهـا
ناسٍ يحسبـون المراجـل بالامثـالتزرع سوالـف والزمـان يحصدهـا
هرامة المجلـس خبيثيـن الاعمـالكبـده تمـوت بغّلّهـا مـا بـردهـا
تصنع له افكـاره مشاريـع وجبـالوليا بغاهـا فـي يـده مـا وجدهـا
تجار ليل وفي الضحا تشكي الاحوالتضيع فـي ساعاتـه اللـي رقدهـا
اهل القلوب السـود هابيـن الافـوالمن حسدها خـلاق الاشيـا حسدهـا
مثـل العـذارا بالطبايـع والاشكـالما تفرق اخته عنـه غيـر بنهدهـا
لا هوب لاحرمه ولا هـوب رجـالولا زاد قوم ولا نقص مـن عددهـا
عسـى ادور عشقتـه فيـه الابـدالوعسى تخيب الوالـده مـن ولدهـا
أمٍ تبـاه يطـول شبـره ولا طــالميـت يحسفهـا وحــيٍ لهـدهـا
والنذل يبقى نذل لـو يجمـع المـالومن ضرته سـود الليـال يحمدهـا
وترى الرجال اصناف وانواع واشكالوالنـار تفنـى والرمـادة بعـدهـا
تـخـلــى الــرمـــادة ……مهمـا يكـون لهيبهـا مـن وقدهـا




قصيدة موجهه من شاعرنا الى مطلق بن عبدالهادي الضميان توضح الثلاث الاشياء (لغز)





شف قلبي يا بن هـادي ثـلاثٍ بينـاتيتزيـد شوقهـن يـوم يبـدي حلهـن
هن هوايا والرياجل كلـن لـه صفـاتولو غفل عنهن قصير النظر راح إلهـن
دايمٍ في موج فكري يا مطلق حاضراتولو حصلي وحّده قلـت ابيهـن كلهـن
اتشرف بأسمهن حاضـرات وغايبـاتوستعـز بعزهـن واستظـل بظلـهـن
اسمهن عز الفتـى فالحيـاة والممـاتولا ينال اعجابهن ليـن يتعـب خلهـن
ولو عطني يابن هادي وعد ومعاهـداتفيه ناس اصحاب غيري وفيه اعدا إلهن
هينـات لينـات عّـجـابٍ قاسـيـاتولو صفلي بعض الاوقـات مايصفلهـن
بينهـن وبيـن الايـام سـو مفاهمـاتالشدايد ريف هن والرخـا ضـد إلهـن
الشدايد تثبت اصحابهـن علمـن ثبـاتوالرخى يمكن اصحاب الرخى تاصلهن
يعشقن ارجال ورجال عنهـم شايمـاتولا يعيش بجوهن كـود مـن يعملهـن
ومن عشقهن بعض الايام يمكن ما يباتوالمتاعب من سلوم الرجال ارضى إِلهن
ولو رضي الرجل بوحده نفن الباقيـاتولو رضي ثنتين وحده بقت ترطنلهـن
واصبحن بعشـق معشوقهـن ناقصـاتومن مشى ممشى زمنهن بقى عمٍ إلهـن
خالهن من جدهن بالوصـول مـردداتما نقول فلان ابوهـن ولا خـال إلهـن
وبينهن وبين بعض الرجال مطاوحـاتان سكن مساكنهن وأن بقى جار إلهـن
رجل يرضن به ورجال عنه محرمـاتما يودن له رسالـة ولا يرسـل إلهـن
ما يساهم باسمهن لو تصير مساهمـاتوالردي لو زاد ماله ماهو شـف إلهـن
شفهن ذربين الايمان حصن الواجبـاتمودعين قلوب الاعداء تمـوت بغلهـن
في هواهن يطلبـن القلـوب الطيبـاتوان لفاهن قلب مخلـص بقـى ملفلهـن
فالقلوب وقمة الـروس دايـم ساكنـاتوبهـن الله عـز روس وروس ذلهـن
ومن ملكهن كلهن فاز وهنـه فايـزاتواصبحن عزٍ لراسه وهـو عـز إلهـن
بس تشروط له الصـادره والـوارداتومن رضى بشروطهن لازم يركنلهـن
شرط هن سهر الليالي ونطح الموجباتوالفروض الخمس من شرطهن وافطنلهن
اسمهن في جسمهن ثـلاث المعجـزاتوان عرفت احلولهن يابن هادي حلهـن
اسمهن بالداء والشيـن والكـا كامـلاتوالكمال لمن رفع ذكرهـن تـاج إلهـن
الاسامي تختلف بالحـروف المجمـلاتانتبه والحـرف الاول هـذا رمزإلهـن
من خلقهن ربهـن يعشقـن وعاشقـاتقلب يعشقهن وبعـض القلـوب اتملهـن
ومن حصانة حبهن للرجال محصنـاتالله الـلـي دل عشاقـهـن ودلـهـن
وكم عشيرٍ عاشرنه وتال العمـر مـاتولو بكن له عوج الايام ما يبكـن لهـن
الليـال بغلبهـن يضحكـن ومعجبـاتمايبـن لهـن غليـبـه ولا ياونلـهـن
الليـال بحكـم خـلاق هنـه ماشيـاتان مشن في صفهن وان مشن عكسلهـن
ونوب سترٍ للخوامل ونـوب مفضحـاتالوفا من طبعهن والشرف بـاب إلهـن
اسمهن تحكيبه الناس من سبـع اللغـاتولو تتقت روسهن ما تقى صيت إلهـن
كل رجمن للشرف في حجاه موايقـاتمـا يريـدن التقـا والبيانـه اجولهـن
مترفاتٍ مطربـاتٍ عفـافٍ طاهـراتسعد من حظه ملكهن وصـار اخولهـن
يابن هادي ويش رايك بهـذا المترفـاتقل يسعـن معهـن الرِجـل ولا خلهـن
وان ومرت بدربهن يازبون الموجفـاتلا تحط اعلان باسمـي قبـل تعلنلهـن
لا تحملنـي عناهـن دون موافـقـاتوان عطنك علم قلـي خبـرك وقلهـن
خلها كلمـة عدالـه بـدون مجامـلاتولا تصالحهن مع اللي ماهـو كفوإلهـن
قلتهـا يـومٍ قلبـك لبيـب للـوصـاتتفهم المعنى وتسكب طرف عـدّ إلهـن
ساكـنٍ باطـراف عـدٍ يجنـه وارداتان لفن لك عـم ولا تجـي لاف إلهـن
حط بالك للمجابيل وأنسـى الرايحـاتوان عصاك الوقت شد الحبـال وتلهـن
مايجـن الا بشـد الحبـال المحكمـاتوالليالـي كـل ماترتخـي يرخلـهـن
وتم معناهن بذكر الرسول مع الصـلاةوباسم خـلاقٍ خلقهـن وزيـن دلهـن




قالها شاعرنا عندما كان في الرياض وتذكر ربيع نجد وهواها والابل وهاضت نفسه شعرا جميلا






كتمنا البلـد بالقيـض والحـر والملهـابليـالٍ تـداول تتعـب الـلـي يجربـهـا
ليا بان نجم النجـم الاخـر بقـي ماغـابتبيـن النجـوم وتتقـي مــن يحسبـهـا
وانا شف بالي صدر عبله وروس هضـابذعاذيـع نجـد اللـي تصافـق هبايبـهـا
عـذي هواهـا يبـري الهايـم المنصـابيـداوي الكبـود الهايمـه عـن لواهبهـا
احبـه محبـة صـدق ماقلتـهـا كــذابويـا لايمـي فيهـا لـو انــك تكذبـهـا
جنوبيهـا الصاقـب وشماليهـا المرقـابصفوها المضيـح غربهـا حبـر واكتبهـا
ومن شرق ترفعها الثنادي وضلـع الـدابلعـل الحيـا الهمـال يسقـى جوانبـهـا
عسى كل يـومٍ لسحايـب عليهـا ارقـابتساقيـه ليـن العشـب يسقـى جذايبـهـا
مرابى العشايـر فالشتـا شمـخ الانيـابسهـاف الخـدود اللـي تـلاوح جنايبهـا
مجاهيـم ولا وضـح ينصبـه النـصـابحـداد الوجيـه اللـي سنـاد غواربـهـا
ليا قام يدفعهـا الجمـل والشفـق ماغـابيقـب الهديـل وكـل حـايـل يقالبـهـا
هذي منوتي واللاش لـو زاد مالـه خـابليـا زاد مالـه خـاب وجهـه وخيبـهـا
ردي العزوم اغض ضعيف لو يفتل الاشنابقليـل المعـرفـه والشكـالـه مجنبـهـا
ماغير يتصكك عندهـا صكـه المشعـابعلى الغمه اللـي دلـك الاشنـاب واجبهـا
يديـر الحليلـه داره الاسـود الـجـذابمعاليـق قلبـه باصفـر السـم يجذبـهـا
لحيثه ماهمـه شوفـة النـوق فالاعشـابولاهـي معجبـتـه ولاهــو معجبـهـا
ربيعه ليا شاف الدجاجـه علـى المنسـابعلى صيـخ شوايـه تلـف وتـدور ابهـا




قصيده في الابل






ابنصح صديقي يشترى وضح قبل الموتيشوف الربيع ليـا نبـت ويتمتـع بـه
يشوف الربيع وللمغاتير يرمـي صـوتليا هايف المرقاب فالعصر يطلـع بـه
عـن القصـر ابـاه يـداوي المـروتلعلـه ليـا شـم النسيـم يتولـع بــه
ليا شاف له وضح تلامع كمـا الياقـوتمن الجال الاقصى مايلاتن على دعبـه
تكسر على الحيران مثل الفهود سكـوتليا جر صوته جرة الصوت تقـرع بـه
على الصوت ممشاهن مثل لابسين البوتمثل مشيـت الطابـور لمعلـق الجعبـه
على قعدة ملحه تشوت المضامي شـوتتبى مشرعٍ قدم الادبـاش تشـرع بـه
جذبهن شريك اعقولهن بالغنا والصـوتتداحم على ورك الرحول وتسمـع بـه
ليا صاح لو ان الحوار الصغير يمـوتتخليه يقعـد فالخـلا مـا تشـوع بـه
ليا صكهن ريـعٍ وبايـن وراه خبـوتمعشى القفر راعيهن العصر يطمع بـه
مراجل هل الطالات ماجابهـا سربـوتابا انصحك بالصعبات ياراعي الصعبـه
ترى العمر سجه والليالي سوات الحوتوترى الوقت يقضي يا العقيلي كما اللعبه
تغانم وسج اقدام رجليـك قبـل يفـوتشبـاب تدنيـه الليالـي وتراجـع بـه
وانا مانصحتك خايفٍ ماتحصـل قـوتلكن الشجيع ليـا شراهـا تشجـع بـه
ابا فالربيـع يوصلنـك ديـار بخّـوتوقت المصيف يسندٍ بـك ليـا الشعبـه
وانا احبها حب العواجي عقاب النـوتوعسى مبغض البل يبغضه منزل الكعبه




غزليه رااااااائعه





صاحبي مع نجع عتبان شـدو بـه جنـوبمطلـع النجـم اليمانـي تنصـاه ضعـنـه
جرهم عسـاس بـدو يسولـف بالعشـوبقال من جاب الخبر قـال انـا جايـك منـه
عان خشم مذقان الادنى يكفـك كـف ثـوبلا ورا نجـران مـا فيـه فتـق ولا سنـه
جرهم جروه للسجـن فـي تهمـة حبـوبجـره اللـي متهمـه بالجريمـة ومهـنـه
المبانـي طويـت والدبـش ذب الــدروبوالدريول كل تايـر علـى الجيـك اوزنـه
انتحوا بـه يافهـد والهـوى سـم القلـوبان كنـاه المبتلـى بالهـوى وانـا اعلـنـه
ابتعد عني وانا صـرت بالبعـد مغصـوبما جداي الا ابـدع القـاف واجـر ألحنـه
رحت انا في صوب ودقيق المثاناه في صوبلعنبـو يـوم المـفـارق علـيـه ملعـنـه
لعنبـو يـومٍ يفـرق موالـيـف القـلـوبيجـرح العشـاق ويحـط فالقلـب طعنـه
ساعةٍ قلـب المولـه خطيـر إبهـا يـذوبوالدقايـق مـن زمنهـا تقـدر عـن سنـه
ساعة الفرقى عقايب وذنـب مـن الذنـوبيوم مالي حيلـه الا انشـد الطرقـي عنـه
انشـد الطـراش واقـول هبـي ياهبـوبوعلمينـي وان دارٍ هـوى البـال سكـنـه
هو رجع للمـدن ولا مـع البـدو العـزوبيتبـع الشـول العفـر ويتـغـذى بلبـنـه
في هوى سحج العشاير عريضات الجنـوبامتحنهـم شايـبٍ جعـل ربـي يمحـنـه
مـرةٍ بأطـراف عدفـا ومـرةٍ بالهضـوبوكـل يـومٍ شـدتـه بالمـيـات مقنـنـه
كل مصبح شـب نـاره وزودهـا شبـوبوان خلص من دلتـه قـال طـوي ياهنـه
عجلـي قـدام يحـتـر بالشـمـس اللهوبالمعشـى نبـت برقـه ومـن دونـه سنـه
كـل بيـرٍ شـاربٍ مـرة منهـا شـروبماسكـن فـي دار واحـد ولا عـدّ قطنـه
عذب المجمول واذهـب مداويـره ذهـوباذهب الله عرق ابو جـده اللـي هـو منـه





قصيدة اخرى لشاعرنا وعشقه للبر والبادية





قال غن قلـت انـا وشلـون اغنـيضايقن صدري وخربـانٍ مزاجـي
والله إنـي والله إنــي والله إنــيريح ذعذاع الهـوى فلـة حجاجـي
كان ماشفـت النجـوم ليـا اتهبنـيلو تعالـج هاجسـي مالـه علاجـي
مايداوينـي ويبـري الهـم عـنـيغير صوت الجيب مع خطو الزراجي
ليا سمـع سمعـي كفاراتـه تحنـيفالـذوار اللـي مليمهـا العجاجـي
ليا انثنـى والعـج فالخـط متثنـيوالحصا صقعه مثل قـدح البواجـي
ويش كن الوقت وانـا ويـش كنـيكني اللي له علـى العربـان باجـي




عزليه فيها وصف رااااائع






وصاحبـي هـذا محلـه ومبـنـاهقبل اسبـوعٍ جيـت فيـه ولقيتـه
واليوم جيـت لمنزلـه مـا لقينـاهواللـي لقينـا عقبهـم مـا بغيتـه
شفت الرسوم وجدد الشوق ذكـراهوناديـت باسمـه مرتيـن وبكيتـه
قالوا علامك قل جفـنٍ كفـى مـاهلا رد لي رايـه وانـا ماعصيتـه
خلوه ليـن الدمـع يظهـر خفايـاهامـا ومـرتـه زود ولا نهيـتـه
يمكن غزير الدمع تبـري سوايـاهقلبٍ كواه الحـب انـا مـا كويتـه
سبت خليـلٍ خـلّ قلبـي وخـلاهماطور مطرودٍ خلـط مـاه زيتـه
جمسٍ مخيف وضايمه طول مسراهوتكانفه جيب الخفـر مـع ونيتـه
لازام قدمـه والابيـتـر تـعـداهوالله رمــاه بفـرقـةٍ مستبيـتـه
جاين عنـه تبليـغ وهيـه تحـراهوراحو معه فالعـرق الاول عميتـه
وعقب احرجوه الجيب دقر له ارطاهوسايق ونيت الخفر غـرز ونيتـه
وهو سرى صفق الهوا مع زوايـاهاعصار عاصوفٍ تسوقـه سحيتـه
وعقب اظهروهن فاختٍ درب ممشاهوشافولهـم ليـتٍ يحالـي ليـتـه
جمس ابدوٍ ضايع لـه ولـد شـاهطفله غدى ويـدوره حـول بيتـه
اننعطب مجاهـاه وهـو بمجاهـاهوراحت سوالفهم اطـلاب وشميتـه
وكلٍ بقى يشمـت خويـه ويشنـاهويقـول للرامـي ورا مارميـتـه
قال البلا السـواق غـرز وخـلاهوانا من الربشـه سلاحـي نسيتـه
وهفو مهف امقيط فالضلع ورشـاهوضاعوا وراحوا فالخلا عن فتيتـه
والجمـس سواقـه بليلـه تسـراهالحمـل جايـر والهـوا مجتفيتـه
وقعد خوي دريول الجمـس ينهـاهويقول ضاعوا قـال ياليـت ليتـه
ولا المدارا اليوم مـا بـه مـداراهوالله لنـزل حملتـه مـا دريـتـه
وليا انكسر مـن تانكيـه حرقنـاهامـا فـقـر ولا حـيـاةٍ بخيـتـه
وسروا وحمله تالـي الليـل وطـاهفالموقـع اللـي نيـتـه منتويـتـه
وعقب أمنه وقـف وحـول وطفـاهواصبح ليا نصـى شنابـر حتيتـه
الوجه رايح والاديتـر كفـى مـاهوعيار زيته ناقصـن عنـه زيتـه
قالوا علامه قال مـن كثـر ماجـاهليـا حـداه العـرق يمـه حديتـه
ليا انثنى العرق الموالـي قطعنـاهوليا زما العرق المناحـر نصيتـه
بثنيـن احـده ونهـمـه وتـحـداهوليا عصاني عن طلوعه عصيتـه
انحـره عـرق طـويـلٍ مـعـداهولا عذاعـذ خـلـتٍ مستميـتـه
خايف وحاديني مقاطـع ومضمـاهولو لا كذا عن ماجرى لـه رفيتـه
قيره وبنصـه والدركسـون يجـداهوان ضيع الـدرب الدليلـه قديتـه
وهذا ودرب الجمس كملـت معنـاهبقـافٍ لعشـاق المثايـل بنيـتـه
تعبيـر مـن عينـه بخلـه مشقـاهالصاحب اللي لـو نسـي مانسيتـه
احب اجامـل خاطـره وترضـاهوليا قطع وصلي علـى الله شكيتـه
لو هو جفاني بالهوى مقـدر اجفـاهوان باعني برخيص غالي شريتـه
لونـي لـو قلـت احلـي حلايـاهاتعب وبعض اوصافهـم مـا لقيتـه
الضبي فيهـا جملـة مـن حلايـاهوالخيل فيه اصوف منـه ان هقيتـه
زينٍ طبيعـي بـس كحلـه وحنـاهما خالطـه شـي معـه مشتريتـه
وجدي عليهم ياهل العرف وجـداهوجد اليتيـم اللـي تقـول وتليتـه
عوبـاٌ توريـه العزايـر وتقـفـاهوثقبها اللـي جعلهـا ينهـد بيتـه
ليا بكي قالت هذا الـورع شـرواهيبكي لو انـي كـل شـي عطيتـه
عقب امه اللـي تاخـذه بالمـداراهاونس من العمـه حيـاة الشميتـه




وهذه غزلية جميلة من شاعر كبير






وقلبـي اللـي صايـرٍ بـه خوايـايحتاج عن حب العماهيـج منظـار
سبة ثـلاثٍ جـدد(ن) بـه سوايـاالعصر يوم الله قسـم لـي بمسيـار
جني وأثـر هـن ناويـاتٍ نوايـايبن قتلي عمد واللـي نـوّن صـار
المخ اخلـن فيـه بعـض الخلايـاوالقلـب خلنـه يفكـر ويحـتـار
بزين الوصوف وفارقـات التهايـاوسود العيون وزين شكبات الاعمار
الضبي منهن فيه وصـف وحلايـاوازريت لافرق بينهم والقـدم حـار
جنـي بلبـس وكـن هنـه عرايـالبس الدلع وانـا يشوقـن الانظـار
خشوف اللي من ذيرتهـا الرعايـامـا يرتعـن الا جديـدات الاقفـار
هيـم البطـون دقيقـات الشفـايـانجل العيون نحورهن مثل الانـوار
منزيـات كـن ابطونهـن قـوايـامغار صدر وردف ووسوط ضمـار
وشقرٍ على الارداف مثـل العوايـااشقر تقـول بمقدمـه يشتعـل نـار
سـودٍ لطـراد المحـبـه منـايـاليا شافهن صاحـي الفكـر ينهـار
عين اشقرٍ وايـق بعيـن الحجايـايشوف له جولٍ تـدارج ولا طـار
واللـول كنـه بيـن هـاك الثنايـااو قحويـانٍ نابـتٍ فيـه نــوار
بعد ثلاث وسبـع واربـع عشايـافي ماقـعٍ خالـد ساقيـه الامطـار
ولو قلت ادورهـن بسبـع النحايـاياضنتي عن وصفهن ملقى الاذكـار
لا هـن متـان ولا نحـاف هرايـاسبحان خلاق البشر محيي الاشجار
غصون موز فوق حـوض روايـافي فـيّ ونـاش تساقيـه الانهـار
او عـود ريحـانٍ يـوزع هدايـاتشريـه تجـارٍ وتجلـب لتـجـار
ماشفـت انـا لوصافهـن تهـايـالا والـذي لمكسـر العظـم جبـار
الا مـن الغـزلان فيهـن حـلايـاطول الرقاب وصدة الضبي لانـذار
وفيهن عن الغزلان فـرق ومزايـابعدّ التواصيف تقول عِيِّب الابكـار
اجسـام بالطـول المعـدل رهايـالا هـن نعانيـعٍ ولاهـن بقصـار
مثل الذهب يفـرق بـوزن الوقايـايزيد سعره لـو يطيحـن الاسعـار
الا حـلاهـن بزيـنـة سجـايـاوانا بليـت بحبهـم سـر وجهـار
وجدي على ما مـز هـاك الشفايـاقدام يلقى العمر قصـاف الاعمـار
وجدي عليهم وجـد راعـي ودايـايبست سواقيهن وماء عدهـن غـار
من عقب ما كانـن جمـامٍ سرايـانشفت مجاري مـاه مافيـه قطـار
الجبـو مقطـع وقطعـن الركـايـاوحتى الحمام اللي على جوهن طار
وراحت جرايدهن سـوات الحنايـايبس الجريد وحت عرجون الاثمار
او وجد من مالـه بنـا بـه بنايـاحول به الزلازل من عشـرة ادوار
ويا لجتـي لجتـة ذهيـبٍ ضمايـاوردن وردوهـن ردييـن الاشـوار
في لاهب المرزم ضمايـن حفايـاوعلى المراكيب برّكن فوق الازوار
ودكـن وقامـن يسبـرن الهبـايـابجوٍ خلا ما به مـن النـزل ديّـار
على الذي منهـم جروحـي خفايـاكن الحشا من عقبهـم يلهبـه نـار
حطـن عليـه مثلثـات الكـوايـاوراع الهوى دايم على الجرح صبار
منهـم عنـا قلبـي منهـم دوايــاومنهم شربة من الهوى كاس الامرار
هوى النفوس انـواع وهمـا هوايـالو خيروني غيرهم ما نبـا اختـار
ولو قلت اوصـي ماتفيـد الوصايـااخاف انا من هرج حاسد ومغتـار
اخـاف ياخذهـا بعيـن الخطايـاولا يوصلها ليـا كشـف الاسـرار
يفـرح عليـه بكلمـةٍ مـن عدايـاالوقت باير واكثـر الوقـت بـوار
ماغار افكـر مـن خـلاي بخلايـاواعوي عوا ذيب سبرلـه بمسبـار
قنيـب سرحـيٍ حدتـه الضرايـايحوفله فـرقٍ ورا شبـك وحضـار
يا مـن سمّيـه بيـن هايـا وهايـاويا من سمّيه بين غايـب وحضـار
هدمت قلبـي هـدم خطـو الهبايـالجرهـا وادٍ مـن الوسـم معتـار
بخدٍ عليه رمـوش عينـك ضفايـاكنك تدق ابها علـى قلبـي اوتـار
وردتنـي بالحـب حـوض المنايـاترقد وانا نومي هواجيـس وافكـار
والعفو يا معطـي جزيـل العطايـااطلبك غفرانك وعتقك مـن النـار




مساجلة بينه وبين غازي بن جري العقيلي المطيري ، والبداية مع قصيدة غازي ثم رد شقير عليه





هيونـا جمـسٍ جديـدٍ مديـلـهمصنوع حسب مواصفاتٍ وتفصيل
مـا فوقـه الا سايقـه والدليـلـهوازروف فيها بين الاحباب تسجيل
لكن حذف المرو من خلف ويلـهحذف البرد من مستهـل الهماليـل
المهـد مسراحـه عفيـفٍ مقيلـهتلفي على اللي فالقسا يذبح الحيـل
شقيـر شيـال الحمـول الثقيلـهشيال حملٍ للهوى ما بعـد شيـل
ثـم اخـذوا جلسـتٍ وتعليـلـهوالزعفران يدور بيـن الفناجيـل
في مجلسٍ يستانس اللـي يجيلـهبيبـان بيتـه مدهـلٍ للرياجيـل
واعطو له المكتـوب والله وكيلـهولاهو محتـاجٍ مترجـم وتحليـل
يا شقير انا قصة غرامي طويلـهقريبةٍ وابعد من الجـدي وسهيـل
ما ينعذل سيل النحا عـن مسيلـهدايم على مجرى النحا يمشي السيل
هذا بعد حاولت مـن كـل حيلـهوفشلت مساع الواسطة والمراسيل
ولولا على الاجوا مزونٍ ضليلـهلصـبـح صبـاحـن بتهلـيـل
صباح يشفي بـه قلـوبٍ عليلـهبفريس مشتركين جذعان وعقيـل





ثم رد الشاعر الكبير شقير بن عقيل الجذع عليه بعد ان عرف مطلبه بهذه الابيات:





حي الكتاب وحي من جاء يشيلـهوحي الونيت اللي لافاني بتكميـل
جمسٍ عليه من المطيري رسيلـهبأبيـات شعـرٍ لنشامـا تعاليـل
غازي عليه ارسل حروفٍ جميلهفيهـا لعرّيـف النشامـا دواليـل
يقول بالمظروف جهـز رسيلـهواللي لفتني صورةٍ مالهـا صيـل
ارسلي الصـورة ورد الاصيلـهمدري وراه يبدل الاصـل تبديـل
مدري الورق عنده فروخه قليلـهولا شحيح لمدت الاصل وبخيـل
حنـا عتيبـه مـا نمـد الهزيلـهولا نقتنع بالهزل ولو هو من القيل
نأخذ من الجزله ونعطي الجزيلـهونحلـل الكلمـه ثمانيـن تحليـل
نأخذ ونعطي كـل بيضـاً جليلـهبالمـد ولا بالعـلـوم المقابـيـل
ننطح نحورالهرج مـا نستخيلـهوكلٍ على كيله نزود لـه الكيـل
نكيل له من صاعه اللـي يكيلـهوحنا لصعبات المواقـف مناهيـل
وجنابنا ريف مـن يلتجـي لـهلجا نهـارٍ فيـه منـع ومداخيـل
يومٍ ولـد الـلاش يلطـم دخيلـهدخيلنا في راس عيطاً عن الميـل
وليا نخانا اللـي سواتـك نجيلـهونمد له حبل طويـل المواصيـل
حبلٍ ليـا مـن تحقـق حصيلـهيشفى ضمى بعض القلوب المعاليل
يشفى القلوب الهايمـات العليلـهوقلوب يوريهـا حيـاة البهاذيـل
صديقنا نشفـي ضمـاه وغليلـهوحريبنـا نسقيـه زاد المفاتيـل
نسقيه فأثنى المعركـة حنظليلـهبمسلبـات زادهـن فالمناقـيـل
حريبنا عند الوعيـد نعنـي لـهبالفور ما نأخذ للاوعـاد تأجيـل
حنـا عتيبـه كـم فـن وقبيلـهلطامة العايل علـى مثـل ماقيـل
دقلاتنـا مثـل المـزون الثقيلـهينزل بردها فوق روس الاقاذيـل
وليا قـدح فالنـار زنـد الفتيلـهتنذر بنا الاتراك شعب البرازيـل
يا بن جري عقب النخا ويش هيلهابشر بمطلوبك على كـل تسهيـل
بأسم الله الخلاق منشـي المخيلـهمحيي هشيم القاع بأمره مكاييـل
وجمسك وصل بعد الدروب المهيلهولاهله قدمت اشقر البن والهيـل
وحيلٍ من اتجار الغنـم نشتريلـهمع كلمـةٍ تقـري بليـا مواكيـل
وجهزت لي معه اربعه من مديلهما ناش بويتهن يا كود المناديـل
دلايـلٍ لـه لـو يتيـه الدليـلـهولا يجي بالدرب ريبـه وتزويـل
واللي جرح غازي وبيـح حفيلـهلازم تجيبونه لو انـه ورا النيـل
اخذ النعت من خوف تيه وعيلـهترا لهم بأطراف حـاذه مداهيـل
والهضبه اللـي فالحفيـظ البتيلـهمن راسها مدوا جـداد الدرابيـل
اما على الضيحه تشيفـون زيلـهولا يجيكم مـن عربهـم دواليـل
يجيك بالاخبـار مومـي شليلـهاهل الذهيب مدوريـن المقاييـل
وما كف ذخر اللي مفايض نجيلهوما ردت الحرة ليا شّعرّ وكحيـل
اما يوصـف نايـفٍ تقتـدي لـهولا تشوفون العـرب والمنازيـل
وليا لقيت النزل لا تستسـي لـهاما رضي بالعلم شيلو إلـه شيـل
ثم سلموا غـازي ولايـة خليلـهوخل العقيلي بالفرح يطرد الويـل
الجـم مايغطـى مجمـه نثيـلـهولايقطع امواج البحر بارد الحيل