منيف صالح المهناء
01-28-2008, 02:22 AM
:sleeping:
ياصاحبي مآكل كيف يشرب بفنجال=ولا كل حرف ٍ لاطرا لك تقوله
دنيا رديه كل يوم ٍ على حال=مثل السراب اللي تمادى بطوله
شدت هواجيسي توالت بترحال=والفكر الاقشر تايه ٍ في ميوله
ياخذني لشرقه ويعديني شمال=ويردني لغربه ويعقـد حلوله
ذاب القمر والحال هذا هو الحال=يسج فـ المضمار واسرج خيوله
تاهت سنين العمر تبحث عن ظلال=والوقت يمضي بي بليا عجوله
والبسمه فـ شفاهي تباعدها آمال=كله من أسباب الدهر في فعوله
مات الوفا وصدقه تغشت به رمال=والبن الاشقر مابقى ألا حثوله
ياخوك أنا بوصيك كان العمر طال=أحفظ وصاتي وأعتمد هالمقوله
لآخيـر في رفقـة رديــين الاعمال=تقديك عن درب السنع والرجوله
أن مآنفخو لك كيـر ردولك الحال=وتصبح فريسة قال لشخص ٍ يقوله
أبعد عن الخايب وعن كل محتال=ضعاف نفس و مابهم من فضوله
ألزم مجالس من لهم طيب الافعال=فيها الكرم والجود تثقل حموله
تلقى بها عزه وصدق ٍ فـ الاقوال=والعود الازرق ماخذ ٍ فيها جوله
هذي رفاقت من بغى طيّب الفال=واللي وطى عقاله توطى أصوله
حط الشجاعه بين عينيك تمثال=عفيف نفس ٍ فـ المواقف صموله
حر ٍ على نهج السناعيس بتال=أرفع شموخك لاتردي العموله
تمّ الخبر ياخوك وأحكم بالأمثال=لا تنقص الكيله ولا ربع توله
أبوي قييدني وأنا أربطك بحبال=حبل المراجله ماهو حبل الرحوله
العمر فاني والمصير لحد ينشال=وينحط في قبر ٍ مقاييس طوله
ويبقى لك الذكر الحسن بين الأجيال=تدعي لك الرحمه بنفس ٍ ذهوله
ياصاحبي مآكل كيف يشرب بفنجال=ولا كل حرف ٍ لاطرا لك تقوله
دنيا رديه كل يوم ٍ على حال=مثل السراب اللي تمادى بطوله
شدت هواجيسي توالت بترحال=والفكر الاقشر تايه ٍ في ميوله
ياخذني لشرقه ويعديني شمال=ويردني لغربه ويعقـد حلوله
ذاب القمر والحال هذا هو الحال=يسج فـ المضمار واسرج خيوله
تاهت سنين العمر تبحث عن ظلال=والوقت يمضي بي بليا عجوله
والبسمه فـ شفاهي تباعدها آمال=كله من أسباب الدهر في فعوله
مات الوفا وصدقه تغشت به رمال=والبن الاشقر مابقى ألا حثوله
ياخوك أنا بوصيك كان العمر طال=أحفظ وصاتي وأعتمد هالمقوله
لآخيـر في رفقـة رديــين الاعمال=تقديك عن درب السنع والرجوله
أن مآنفخو لك كيـر ردولك الحال=وتصبح فريسة قال لشخص ٍ يقوله
أبعد عن الخايب وعن كل محتال=ضعاف نفس و مابهم من فضوله
ألزم مجالس من لهم طيب الافعال=فيها الكرم والجود تثقل حموله
تلقى بها عزه وصدق ٍ فـ الاقوال=والعود الازرق ماخذ ٍ فيها جوله
هذي رفاقت من بغى طيّب الفال=واللي وطى عقاله توطى أصوله
حط الشجاعه بين عينيك تمثال=عفيف نفس ٍ فـ المواقف صموله
حر ٍ على نهج السناعيس بتال=أرفع شموخك لاتردي العموله
تمّ الخبر ياخوك وأحكم بالأمثال=لا تنقص الكيله ولا ربع توله
أبوي قييدني وأنا أربطك بحبال=حبل المراجله ماهو حبل الرحوله
العمر فاني والمصير لحد ينشال=وينحط في قبر ٍ مقاييس طوله
ويبقى لك الذكر الحسن بين الأجيال=تدعي لك الرحمه بنفس ٍ ذهوله