$$(( يا هم !!! ) $$

[إبراهيم المهنا]

ياهم مالي حيلة(ن) فيك ياهم =جرجر معاليقي على الجمر والشوك
لو اشتكى لك نازف الجرح بالدم =ما اظن تترك عادة الجد وابوك
العب على كيفك صفى الجو واهجم =وازهم جموعك من هل الشيخ داكوك
خصيمك اعزل لاتخليه واغنم =ما كل مغز (ن) يااسود الوجه مبروك
لكنها فرصة وانا اقولك سم =وذنبي على اللي سيروا بك وخلوك
لو ني وريث المجد ومعرب العم =ويوم المداحم ما يجي فيني شكوك
أشوم عن بعض السواليف واكرم =طبع المراجل يالردي عندي سلوك
واليوم كثرت والله اعلم واحكم =ما دام سندنا المراجل على البوك
للقلّ في وجه الرجاجيل ميسم =عقيد قوم وتصبح اليوم مملوك
لا صار طعم الما على الرجل علقم =الله يلعن ساعة الضيق ياخوك
ما باقي الا ننهي الوضع بالسم =بيدي ولا بيدين نذلن وصعلوك
ما دام مالي حيلة فيك ياهم =جرجر معليقي على الجمر والشوك

[الشمالي]

الله يزيل الهم عن قلبك ياعمي العزيز

اوك قافيه جميله بكل مفرداتها

صح لسانك يابوضاري قصيده رائعه بكل معانيها

[شـــــديد]

الله يعيني يعيني عليك يابوضاري قصيده قمه بالروعه الحقيقه ارى بريق قصائدك
عن يوم يزداد وهذه شهاده مجروح بالنسبه لك اخي ابوضاري ولااقول الا لله درك
وصح لسانك ياخليفة الوالد

[هبس]

صح لسانك يابو ضاري ويسلم بنانك
والله يزيل الهم عنك وعن جميع المسلمين

وهذي الدنيا مقاييسه ماديه ماتعرف الا لغة المال

[ابولمار]

ياهم ابعد عن غلا القلب ياهم *** بقولها واعرفك مامنك مفكوك
خل الذي يفزع ليا قلت له عم *** يجيك وافي لو ترادوا وخلوك


كل الاحترام والتقدير اكنه لك اخي وعزيزي ابوضاري

قصيدة بكل ماتعني هذه الكلمة من معنى


من اجمل ماسمعت بدون مجاملات


تقبل تقديري واعجابي بك وبقصيدك اخي الكريم

[بدرالهبيري]

خصيمـك اعـزل لاتخليـه واغنـم
ما كل مغز (ن) يااسود الوجه مبروك

لاأعــــــلم لماذا اختار من قصائدك ابيات
معينه مع العلم انها كلها فريده وانشهد
ان هذا البيت عن معلقه ولاقصور بباقي
الابيات كلها بقوة هذا البيت ولكن لحبي
لبعض الاساليب في الطرح اخرت هذا
البيت العميق ...
ابوضاري صح لسانك وسلم بنانك قصيده
أعجبتنيبكل حرفمن حروفها وافتخر بها يعلم
الله وكلي فخر أن أقف أمام هذا الابداع الشعري
الذي قل ما يوجد مثيله الان ..
تحياتي وتقديري .. بدرعيد ..

[إبراهيم المهنا]

الله يزيل الهم عن قلبك ياعمي العزيز

اوك قافيه جميله بكل مفرداتها

صح لسانك يابوضاري قصيده رائعه بكل معانيها

الغالي / الشمالي ...

آمين الله يزيل الهموم عن الجميع ....وأن كانت الدنيا كلهاا هموم ...

صح بدنك أخوي الشمالي شكرا على تشريفي بالحضور

[إبراهيم المهنا]

الله يعيني يعيني عليك يابوضاري قصيده قمه بالروعه الحقيقه ارى بريق قصائدك
عن يوم يزداد وهذه شهاده مجروح بالنسبه لك اخي ابوضاري ولااقول الا لله درك
وصح لسانك ياخليفة الوالد


أمن المنتدي الغالي / شديد ...

تسلم عينك يابو سامي ....

صح بدنك ...والوالد صعب أن يكون له خليفة ....

ياهلا وغلا فيك وبحضورك

[إبراهيم المهنا]

صح لسانك يابو ضاري ويسلم بنانك
والله يزيل الهم عنك وعن جميع المسلمين

وهذي الدنيا مقاييسه ماديه ماتعرف الا لغة المال


الغالي / هبس .....

صح بدنك ...ابو محمد ...

وآمين الله يزيل همومنا .....

أعجبتني قراءتك الجميلة للنص

شرفتني بالحضور يابو محمد

تقبل الحب والتقدير

[همس الخواطر]

ذكرتني ياخوي بالهم و اقول
الهم من بالوهم وبهموم صدره هام
وانا مع الوهم اعيش الهم سهراني
اخاف اصحى وهمي ينزف من العام
هو بالوهم دمه وانا بالهم شفقاني
وهم او هم همتي همك بداخل القلب ضام
راضي بالوهم والهم ولااهتم بحرماني




صح لسانك اخوي والله يعطيك العافيه على الابيات الرائعه اخوي ابو ضاري والله يبعد عنا وعنك الهموم انشاء الله

[صمت مغتربه]

لا صار طعم الما على الرجل علقـم

............................................الله يلعن ساعـة الضيـق ياخـوك


الحزن ..كلمه تتعب الابجديه في وصفها ..

والهم هو من بعض من اشيائه ..

اخي شاعر الذوق والابداع ...

تواجدك شرف لنا ..

فكيف ببوحك ..

ننتظر جديدك ...

[مفحطه بناقة]

صح لسااانك أبوضاري ........!
فلقد فتحت أبواب الغضب . والعتب .وأثرت فضولنا لمعرفة تفاصيل ..!!
الذين سيرو بالهم وتركووه لك بظلامه ..وأنانيته ..
لغة شعرية .... جميله .... صادقه ...
وضعت ...بها ..نقااط البوح والمعاناه على حروف الغضب ...
أنها حكمة الكبار ....وشفافية المبدعين ....

دمت بكل سعاااده ...وأبعد الله الهم عنا وعنك ....
وتقبل تحياتي ...

[دحوش]

صح لسانك ياعمي