قصيدة(القصايد والغلا)

[راع الصوال]

قصيدة(القصايد والغلا)


--------------------------------------------------------------------------------



لعن ابوبعض القصايدكان مافيها حلا=
ماتروح الاوتترك للحناياجلجله=
تبتدي مثل المزون اللي تسولف للكلا=
ولاخذت قامت ترزم مثل شهب منزله=
فوق صدرالشاعراللي عن طواريقه جلا=
لين شاف اخت القصايدبالقصايدمقبله=
ياهلابااخت القصايدكثرشوقي ياهلا=
اقلطي بين الحناياوافهقي جمر الوله=
كل ضلع من ضلوعي حافظ درس الولا=
مثل حفظك للعفاف وللشرف يامدهله=
سولفي كذاالسوالف تنسمع والافلا=
وانبغيتي اسولف..اسألأيني اسئله=
اسأليني وابتديهابالنهارللي تلا=
ليلةان الجرح يقرا في الضلوع البسمله=
واسأليني عن زماني كم شرب في وكلا=
انتهي من مشكله والقى وراهامشكله=
المشاكل بهذلتني في غيابك والبلا=
مالقيت اللي احط السر عنده وازهله=
كل ما اسمع(كيف حالك)ينقبض جفني على=
دمةٍ تبغى تقول الحال دمع ومهزله=
وابلع العبره واقول:بخير الهم انجلا=
وآخرالهرج اتلعثم فيه وانقض اوله=
ليه غبتي..ليه غبتي وانتي اللي ماملا=
عيني والا همس صوتك في زمان البلبله=
ياه شفتي وين راح البال بالشعر وسلا؟=
قمت اعاتب فيك وانتي في الضلوع مدللـه=
لني ماصدقت نرجع للقصايد والغلا=
بعد ذاك اليوم يوم اجنبت وانتي مشمله=
ايه ماصدقت لكن ياعساني ماخلا=
اقلطي بين الحناياوافهقي جمر الوله=
وسلامتكم


م ن ق و ل

[شـــــديد]

قصيدة رائعه اخي العمده وحقيقة هي ام القصائد والملاحظ اخي العمده
انك لم تذكر اسم الشاعر
مشكور على نقلك الرائع

[سيف الخوالد]

وانت سالم يالعمده


صح لسانك



الله يعطيك العافيه قصيده روعه

[الشمالي]

:sm77::sm77::sm77::sm77::sm77::sm77:

قصيده جميله واختيار اجمل

صح السان الشاعر والناقل