الشاعر الكبير احمد الناصر ياناس قولو لغض العود

[سيف الخوالد]

ياناس قولوا لغض العـود..=.تكفون يانـاس قولـو لـه


ما اشوف له من عذابي زود.=.كثر التصاديد وش هو لـه


ابو ثليـل اشقـر مرجـود.=اسمـع بذكـره ولا اطولـه


وعيون نجل هدبهن سـود.=يذبح بهن من يجـي حولـه


ياكثر الأزوال بيض وسـود=ماهـم بمثلـه ولا حـولـه


عقب المودة جفا وأصـدود.=ماشفـت زول مثـل زولـه


إن مت ابا القى عليه اشهود=عنقـه وخـدّه ومجـدولـه


أسهر وكل العيـون رقـود.=اليـا تباطيـت مرسـولـه


يازين حبل الهوى ممـدود.=لكـن سجايـاه مجهـولـه

[هبس]

مشكور اخي سالم وبارك الله فيك
قصائد جميله للشاعر احمد الناصر
ونتمنى لو ارفقت ملف صوتي كان عندك

وتقبل تحياتي

[سيف الخوالد]

ابشر يا بو محمد موجود كل الملفات الصوتيه وياليت تنشئون قسم اللصوتي يكون افضل

[شـــــديد]

الله قصيده جيده وأنتقاء جيد يعطيك العافيه أبوعلى