تركي الميزاني يتهجم على حاتم الطائي ::

[شـــــديد]

تركي الميزاني يتهجم على حاتم الطائي ::

--------------------------------------------------------------------------------



السلام عليكم ورحمة الله وبركاته


اخواني الاعزاء لقد قرأت قصيدة للشاعر / تركي الميزاني والقصيده بصاحب السمو الملكي

الامير سلطان بن عبد العزيز حفظه اللـه ولكن ماشدّ انتباهي في هذه القصيده هو التهجم على حاتم الطائي

وحاتم الطائي غني عن التعريف ومالفائده بالقصيد اذا كان على سب الاخرين ومحاولة الطلوع على حساب التاريخ ؟؟

..

..

..

وسوف اورد لكم قصيدة تركي الميزاني ومن بعدها الرد عليها ...



يقول تركي ..






كريـم يانوّ(ن)هبـوبـه تـقـوده
لي مدة(ن)وانا عيونـي تراعيـه
اكبر من الغربي تـرازم رعـوده
سيله حقـاق والمخايـل تباريـه
اللي وطا حـزم البـلاد ونفـوده
عقب المحل ماناش من عرق يحييه
ايـام وسمـه ماتجيـك معـدوده
ثابت على طول السنه من مناشيـه
هتـان ودان ذعـاذيـع نــوده
تجلا هموم القلب والجرح تبريـه
وليا سمك وبلـه وخيّـم ركـوده
تفرح به البيدا وتـروا ضواميـه
فوق البسيطـه ماتحـدد حـدوده
مافيه وادي غير تجري مجاريـه
والعشب انواعـه تلاعـب وروده
طلعه سوا مـن مدلهم(ن)يساقيـه
هـذي هماليلـه وهـذي شهـوده
كل(ن)يرحب بـه وكل(ن)يحييـه
هذاك سلطان السعد مـن جـدوده
غيث(ن)علـى غيث(ن)يعافـيـه
يـاراح قلنـا الله علينـا يعـوده
من كثر حبه ودّ شعبـه يخاويـه
وليا رجع تباشروا فـي وجـوده
شيخ(ن)وحنا برض البلاد لمواطيه
حنا تحـت رايـه وحنـا جنـوده
واعمارنا في ساحة الحرب تفديـه
القايد اللـي منبـع الجـود جـوده
صار الكرم صرح(ن)للأمجاد بانيه
((خلو كرم حاتم))وماضي عهوده
سلطان يعطي شي حاتم مايعطيـه
خيره على العالم عسا الله يـزوده
لو جيت ابذكـر ماتعـدد حسانيـه
وفاه وصلة لكـل دولـه وفـوده
من مد كفه مايبـا احد(ن)يكافيـه
وليا قدح من نـار فكـره زنـوده
رايه سديـد وكـل تايـه يقديـه
وليا بطش ضاعت روابع حسـوده
من سطوته خصمه يضيع هقاويـه
هداج تيماء اللـي يصـدر وروده
ياحي ابو خالـد وياحـي طاريـه
كنت اتمنى وقفتـي فـي وجـوده
واليوم انا موجود مابيـن اياديـه



..

..

..

..

..

..

وهذا ردي على قصيدة تركي الميزانـي واقوووول فيهااا


..

..




كريـم ياقاف(ن)خذتـه البـروده
وعلى صفا سلمى تحطّـم معانيـه
قدام اجا غصب يتبخـر صمـوده
ويصبح سراب(ن)بأوله لين تاليـه
اصغر من اللي عن سمانا يـذوده
يقفـي وذعـذاع الشمـال متقفّيـه
ماينثني لأطمـاع نفس(ن)حقـوده
ياصار راعيها الخطا من مباديـه
نفسه عن الكايد عزوم(ن)شـروده
والا على الذمـه كبار(ن)هقاويـه
حايل غنيه عن نفوس(ن)جحـوده
وتركي يبي سب الاجاويد يغنيـه
سيرة سجاح اليوم منـه معيـوده
متفرش(ن)نهجه ونهجـه مغطيـه
لو كان مسلم ماسجد مـع سجـوده
فرض الصلاة اللي نصلي يصليه
شرهاتنا بالطيـب نثبـت بنـوده
والا الردي ماله علينـا مشاريـه
وتركي عطا الله قام يشعب قعـوده
يبي كرم حاتـم يشيلـه ويمحيـه
اكرم رجل يوم الحبـال معقـوده
واطلق شنب يجري كرم مايجاريه
تركي جحد والا النبي جاب جـوده
تركي طعن والمصطفى اللي مزكيه
يمكن يشيل جبال حايـل لسـوده
وطويق للصمان يرسـي مراسيـه
دامه لحاتـم طـي جنّـد جنـوده
ويمكن فرس حاتم هو اللي مذكيـه
دام الكلام بـلاش يبـذل جهـوده
شاعر وطن يالله عسـا الله يخليـه
شاعر وطن يبغى المشاعر يسوده
وعلى حساب الغير يبنـي مبانيـه
نعم(ن)بحكام الجزيـره واسـوده
حكام تاخذ حـق وافـي وتعطيـه
حكـام عـدّو للمعالـي سـنـوده
والكل منهم مانـزل عـن معاليـه
الهـرج ياجاهـم تقيّـد قـيـوده
يطيب هرج الطيب بلسان راعيـه
ال سعود احـرار جـو مهـدوده
وسلطـان منهـم ماتـردا مداليـه
والسرد مايغني رجال(ن)سـروده
لو ماانسرد يعجبه سـرده بشافيـه





..

..

..


وسلامت عيووون من تااابع



تقبلووو تحياتي


اخوكم الشاعر


مرزوق محمد الرمالي الشمري

[إبراهيم المهنا]

شكرا أخوي / شديد ...على النقل ....

ولكن لا أعتقد ان تركي تهجم على حاتم بقول( خلوا كرم حاتم وماضي عهوده ) .....فالشاعر يعطي

رأيه بما شاهده بعينه من الأمير ..ويقول ان الأمير فاق حاتم بانه يعطي أشياء لا يستطيع حاتم تقديمها

تقبل الحب

[بدرالهبيري]

شكرا أخوي / شديد ...على النقل ....

ولكن لا أعتقد ان تركي تهجم على حاتم بقول( خلوا كرم حاتم وماضي عهوده ) .....فالشاعر يعطي

رأيه بما شاهده بعينه من الأمير ..ويقول ان الأمير فاق حاتم بانه يعطي أشياء لا يستطيع حاتم تقديمها

تقبل الحب

أولا ً أشــــــكر الاخ شديد على نقله ولكلن وجهة نضره ولربما
أحس هذا الشمري ان تركي الميزاني تجنى على حاتم طي
وقد يعذر بذلك بسبب الحميه ولكن ..!!!
أخي ابراهيم اولا اهنيك على هذا الفكر الراقي وعدم الانجراف
خلف صيغة العنوان لانها تشد وأنا والله بغيت ادحدر بس يوم
شفت تركي ماقال الا شطر واحد عن حاتم ولافيه اي انزال بقدر
حاتم ترويت شوي وتفاجئت انك كذلك لم تنجرف ماعلينا ..
ألا تلاحظ ان وقت حاتم الطائي قديم جدا ً وانه كان يكرم من قل ْ
طبعا ً حاتم له تاريخه ويمد على حسب ماتجود به يمينه فاان
كان قليل وان كان كثير والكرم ليس بكثرة العطاء لأن الجود من
الماجود فلايلغى حاتم بهذه الطريقه التي قام بها تركي الميزاني
ومن المعروف ان بعض المدح فيه تعدي على رموز وهذا غير لائق ..
بلا شك الممدوح يستحق وهو رمز العطاء الامير سلطان بن عبد العزيز
ولكن لولا هذا الشطر لكانت القصيده قمه فلو استغنى عنه لكان افضل ..
فلاياتي احدهم ويمدح رمز كالامير سلطان بن عبد العزيز وبنفس الوقت
يلغي دور رمز اخر وهو حاتم الطائي .. وشكرا ....
تحياتي وتقديري .. بدرعيد ..

[شـــــديد]

تشرفت يابوضاري على مرورك الكريم

[شـــــديد]

الله الله اعجبني نقاشكم المميز واختلااف الرى لايفسد للود قضيه
وتشرفت احي بدر على مرورك