الشاعره الراسيه احس انه غبي

[سيف الخوالد]

رحت ادور في وجيه عداي للخوه صديـق=لين ضاقت بـي يمينـي .. ومليـت تعبـي

أحسبنـي لاتعـزويـت بلقـالـي رفـيـق=لارفيـق .. ولاعـدوٍ.. ولاحتـى صبـي

آه ياثقـل الخطـاوي علـى ذاك الطريـق= طحت من طولي على الدرب الأمحق بركبي

للزمـن مبـدا ومبـداي مـا أظنـه يفيـق= لعنبو مبـدأ الصراحـه احـس انـه غبـي

البحر تحت السفينـه وهـي شبـة حريـق=والسمـا تمطـر وذا الغيـم مافـاد لهبـي

والحيـاة وفلسفتهـا وفـزعـات الفـريـق=علموني كيف الأجناب تطمـع فـي عنبـي

(يامضاوي يامضاوي) يازفـرات الشهيـق= ماحـدن غيـرك اليـا راح يبكيـه هدبـي

من خلق وجه الليالي وانـا مالـي شقيـق=غيـر حزنـن لالفانـي تلقـانـي يحـبـي

قمـت البـي لالمحتـه واذا اقفـا اضيـق= ضيقة اللي شايف الضيم في وجه أعربّـي

ولالفانـي فـز قلبـي مثـل فـزة عشيـق= جا يرحب بي وانا اموووت لاقال ارحبـي

ارحبي يالعنبـو المـوت فعيـون الغريـق= يهبي شعـرن يخذلـك وانـا حـي يهبـي

الشعـر لوهـو مقيـد بفكـه لـك طليـق= والرسـن بيديـك وانتـي تمنـي واطلبـي

اقسمـي باللـي خلقنـي وبالبيـت العتيـق= والا فريها على ( مصـر) وحيـاة النبـي

انـي بحضـرة جنابـك اذا جيتـي اليـق= والا فضيها.. وقولي قطيعـه وش تبـي؟؟

وأهجريني يضرب الحب والجرح العميـق=هجرة اللي ماوفـا لـي ولا طـال شنبـي

احسبنـي لاتعـزويـت بلقـالـي رفـيـق=لارفيـق.. ولاعـدو ..ولاحتـى صـبـي

من عرفت الدمع الأسود وانا حزني صديق= لعنبو حزنـن اليـا طحـت ماوقـا ركبـي][/poem]

[ابوماجد]

قصيده رائعه والى الامام

[هبس]

والله قويه وجزله
تسلم والله يابو علي على هالقصيدة

[سيف الخوالد]

مشكور يا هبس ومثل هذا الكلام بكل صراحه يحسسنا بقيمة عملنا

انشاء الله بنبذل الجهود

وبالله التوفيق

[سيف الخوالد]

ومشكور يا بو ماجد

[شـــــديد]

البحـر تحـت السفيـنـه وهــي شـبـة حـريـق والسـمـا تـمـطـر وذا الـغـيـم مـافــاد لـهـبـي

والله شاعره متمكنه مشكور على ماتقوم به ابوعلى