الــْ مـــواعــــــيْد ــ

[إبراهيم المهنا]

البارحة بيني وبين المواعيد= على بساط الحلم فوق الطواري
ما بين شرهات الغلا والتناهيد= فلّيت لك صدري ولا جيت ساري
كنت احسب أنّ الصوم من عقبه العيد=واثر النوايا ما تبلّ الصحاري
وقفتْ وعيوني من البيد للْبيد=أجمّع أحزاني وأشوف أنكساري
وأقلّب الحسره من الأيد للـْ أيد= لا كلّت اليمنى فزعت ألـْ يساري
وأعلّم السارين عن قصة الغيد=وأشهّد العشّاق كيف احتضاري..!؟
وأعلّمك يازيد عن صبر ابا زيد= قدم الزناتي ما تفيد المحاري
واعزي اطيوري على هجرة الصيد=عقب انتوتْ عنها القطا والحباري
وأكتب على قبري وصيهْ وتأكيد = أنا قتيلك عشق / لو كنت داري .!
يامن عليه من الحلا تشمخ السيْد= قديّت لك عرق الغلا باختياري
وأسرفتْ في عشقك على غير تحديد=وارخصت لعيونك صدوق العباري
ما رحت احسّب في عطاياي واعيْد=ألا على صرف الغلا جيت اماري
شاعر عيونك لا ركع يا اتلع الجيد=والدمّ من عرقهْ الى العرق جاري.!
طالبْـك لا تفزع ولا تاخذ القيد..!= ودي على موتي تبين المواري .!
واليا غزاك الشوق دَنّ المواعيد=على ضفاف الحلم فوق الطواري .!
.

.

[الزعيم]

والله ياهي قصيدة صح
ماشاء الله عليك
تصدق انك قريب وتصير مثلي
هههههههههههههههههه
ايه هين
اعلمك اول مرة اجلس اقراء القصيدة اكثر من مرة اهب عليك
مشكور ياشاعر المنتدى القدير والزعيم انا وانت

[JenTL Man]

قدم الزناتـي مـا تفيـد المحـاري
واعزي اطيوري على هجرة الصيـد
عقب انتوتْ عنها القطـا والحبـاري
وأكتب على قبـري وصيـهْ وتأكيـد
أنا قتيلك عشق / لو كنـت داري .!


صح لسانك شاعرنا

ابيات وشاعريه جميله

شكرا ابا ضاري عيشتنا معك في الشاعريه

[عفتي في حجابي]

ما رحت احسّب في عطاياي واعيْـد
ألا على صرف الغلا جيـت امـاري

ابيات تكتب بماء الذهب / صح اللسانك ابو ضاري
وبانتظار جديدك

[صديق الزعيم]

صح بطنك ولسانك وشنبك

شكرا على القصيدة الزينة

والله يانت يالزعيم علة
وش جابك هنا ملقوف والله ارجو الابتعاد عن المجالس الزينة

[إبراهيم المهنا]

والله ياهي قصيدة صح
ماشاء الله عليك
تصدق انك قريب وتصير مثلي
هههههههههههههههههه
ايه هين
اعلمك اول مرة اجلس اقراء القصيدة اكثر من مرة اهب عليك
مشكور ياشاعر المنتدى القدير والزعيم انا وانت

ياهلا وغلا بالزعيم

نوّرت بحضورك وكلامك

هههه
ولي الشرف أن أكون مثلك ..

والعفو ...

واذكر ربك يالزعيم لا تقول أهب ..!!

هلا وغلا فيك

[إبراهيم المهنا]

قدم الزناتـي مـا تفيـد المحـاري
واعزي اطيوري على هجرة الصيـد
عقب انتوتْ عنها القطـا والحبـاري
وأكتب على قبـري وصيـهْ وتأكيـد
أنا قتيلك عشق / لو كنـت داري .!


صح لسانك شاعرنا

ابيات وشاعريه جميله

شكرا ابا ضاري عيشتنا معك في الشاعريه


ياهلا وغلا بالجنتل مان

وكل الشكر لهذا التواصل الدائم

وصح كلك يا بعدي


شرفت يا جنتل

[إبراهيم المهنا]

ما رحت احسّب في عطاياي واعيْـد
ألا على صرف الغلا جيـت امـاري

ابيات تكتب بماء الذهب / صح اللسانك ابو ضاري
وبانتظار جديدك

القديرة / عفتي في حجابي

شكرا على هذا الحضور المختلف

وشكرا لتشريفي بالقراءة والحضور

صح كلك

تقبل التقدير

[إبراهيم المهنا]

صح بطنك ولسانك وشنبك

شكرا على القصيدة الزينة

والله يانت يالزعيم علة
وش جابك هنا ملقوف والله ارجو الابتعاد عن المجالس الزينة



هلا بصديق الزعيم

العفو ...

خلّ الزعيم يجي على كيفه ..!!؟؟

ما تبيه يدخل قصائدي .؟! الله يسامحك

عموما حياك الله وشكرا لتشريفي هنا

[صمت مغتربه]

.
.

بعض ابيات الشعر ..
تحتاج ..ان ترتوي منها ...بقدر ماتستطيع من قرائتها ..
وانا هنا أقرأ للمرة الرابعه ..
ليس الا نهماً في استنطاق الحروف أكثر ..
شاعر المنتدى // ابراهيم المهنا ..

شكرا لأنك هنا ..
وتتحفنا ..

.
.

[الشمالي]

كنت احسب أنّ الصوم من عقبه العيد
واثر النوايـا مـا تبـلّ الصحـاري
وقفتْ وعيونـي مـن البيـد للْبيـد
أجمّع أحزانـي وأشـوف أنكسـاري

صح لسانك والله يجعل كل ايامك اعياد وافراح

[أبوفهد]

[COLOR="DarkRed"][I][SIZE="5"]صح لسانك شاعرنا مافيك كيله
تحياتي لك

[راع الصوال]

كنت احسب أنّ الصوم من عقبه العيد
واثر النوايـا مـا تبـلّ الصحـاري

صح السانك ابو ضاري

كسيدة زينة يخوي سلمك الله قل تم